திரு அருணகிரிநாதர் அருளிய
கந்தர் அந்தாதி
54 ... திதத்தத்தத் தி
(இடுகாட்டி லென்னை எரியூட்டு முன்னு
னிருதாட்கள் தம்மை ...... யுணர்வேனோ
... 'குடிவாழ்க்கை' திருப்புகழ் - 538 ).
......... பாடல் .........
திதத்தத்தத் தித்தத் திதிதாதை தாததுத் தித்தத்திதா
திதத்தத்தத் தித்த திதித்தித்த தேதுத்து தித்திதத்தா
திதத்தத்தத் தித்தத்தை தாததி தேதுதை தாததத்து
திதத்தத்தத் தித்தித்தி தீதீ திதிதுதி தீதொத்ததே ...... 54
......... சொற்பிரிவு .........
திதத்தத் தத்தித்த திதி தாதை தாத துத்தி தத்தி
(தா) தித தத்து அத்தி ததி தித்தித்ததே து துதித்து இதத்து
(ஆ) தி தத்தத்து அத்தி தத்தை தாத திதே துதை தாது அதத்து
(உ) தி தத்து அத்து அத்தி தித்தி தீ தீ திதி துதி தீ தொத்ததே.
......... பதவுரை .........
திதத்த ததித்த ... திதத்த ததித்த என்னும் தாள வரிசைகளை,
திதி ... தன்னுடைய நடனத்தின் மூலம் நிலைபடுத்துகின்ற,
தாதை ... உன்னுடைய தந்தையாகிய பரமசிவனும்,
தாத ... மறை கிழவோனாகிய பிரம்மனும்,
துத்தி ... புள்ளிகள் உடைய படம் விளங்கும்,
தத்தி ... பாம்பாகிய ஆதிசேஷனின்,
தா ... முதுகாகிய இடத்தையும்,
தித ... இருந்த இடத்திலேயே நிலைபெற்று, (ஆனால்)
தத்து ... அலை வீசுகின்ற,
அத்தி ... சமுத்திரமாகிய திருப்பாற்கடலையும் (தன்னுடைய வாசஸ்தலமாகக் கொண்டு),
ததி ... அயர்பாடியில் தயிர்,
தித்தித்ததே ... மிகவும் இனிப்பாக இருக்கிறதே என்று சொல்லிக்கோண்டு,
து ... அதை மிகவும் வாரி உண்ட (திருமாலும்),
துதித்து ... போற்றி வணங்குகின்ற,
இதத்து ... பேரின்ப சொரூபியாகிய,
ஆதி ... மூலப்பொருளே,
தத்தத்து ... தந்தங்களை உடைய,
அத்தி ... யானையாகிய ஐராவதத்தால் வளர்க்கப்பட்ட,
தத்தை ... கிளி போன்ற தேவயானையின்,
தாத ... தாசனே,
திதே துதை ... பல தீமைகள் நிறைந்ததும்,
தாது ... ரத்தம் மாமிசம் முதலிய சப்த தாதுக்களால் நிரப்பப்பட்டதும்,
அதத்து உதி ... மரணம் பிறப்பு இவைகளோடு கூடியதும்,
தத்து அத்து ... பல ஆபத்துக்கள் நிறைந்ததும் (ஆகிய)
அத்தி தித்தி ... எலும்பை மூடி இருக்கும் தோல் பை (இந்த உடம்பு),
தீ ... அக்னியினால்,
தீ ... தகிக்கப்படும்,
திதி ... அந்த அந்திம நாளில்,
துதி தீ ... உன்னை இவ்வளவு நாட்களாக துதித்து வந்த என்னுடைய புத்தி,
தொத்ததே ... உன்னிடம் ஐக்கியமாகி விட வேண்டும்.
......... பொழிப்புரை .........
நடராஜ மூர்த்தியாகிய சிவபெருமானும் பிரம்மனும் இடைச்சேரியில் தயிர் உண்டு பாற்கடலையும் ஆதிசேஷனையும் பாயாலாகக் கொண்டு யோக நித்திரை செய்யும் திருமாலும் வணங்குகின்ற ஆனந்த முதலே, தேவயானையின் தாசனே, ஜனன மரணத்திற்கு இடமாய் சப்த தாதுக்கள் நிறைந்த பொல்லாத இந்த உடம்பை தீயினால் தகிக்கப்படும் பொழுது உன்னை துதித்து வந்த என் சித்தத்தை உன்னுடைய திருவடிக்கு நீ ஆட்படுத்த வேண்டும்.
(இந்த பாட்டிற்கு உரை கூற முடியாமல் வில்லிபுத்தூரார் அருணகிரியாரிடம் தோல்வியுற்றார்).
இயற்றியவர் திருவள்ளுவர் ஆவார். இதில் 1330 குறள்கள் பத்து பத்தாக 133 அதிகாரங்களின்கீழ் தொகுக்கப்பட்டுள் ளது. திருக்குறள் சங்க இலக்கிய வகை ப்பாட்டில் பதினெண்கீழ்க் கணக்கு என ப்படும் பதினெட்டு நூல்களின் திரட்டில் இருக்கிறது. இது அடிப்படையில் ஒரு வாழ்வியல் நூல். மாந்தர்கள் தம் அக வாழ்விலும் சுமுக மாக கூடி வாழவும், புற வாழ்விலும் இன்பமுடனும் இசை வுடனும் நலமுடனும் வாழவும் தே வையான அடிப்படைப்பண்புகளை விளக்குகிறது. இந்நூல் அறம், பொரு ள், இன்பம் அல்லது காமம் என்னும் முப்பெரும் பிரிவு களாய் (முப்பால்) பிரித்தும் அழகுடன் இணைத்தும் கோர்த்தும் விளக்கு கிறது.
திருக்குறள் இயற்றப்பட்ட காலம் இன்னும் சரியாக வரையறுக்கப் பட வில்லை. இந்நூல் ஏறக்குறைய 2000 ஆண்டு பழமையானது என்று கணிக்கப்படுகிறது. மறைமலை அடிகள் செய்த ஆராய்ச்சியின் பய னாய், தமிழ்நாட்டில் ஆண்டுக ளைக் குறிக்க திருவள்ளுவர் ஆண்டும் பயன்படுத்தப் படுகின்றது.
அத்தகைய சிறப்பு மிக்க திருக்குறளில் உள்ள எத்தனை குறள்கள் நம்மில் எத் தனைப் பேருக்கு நினைவிருக்கும் என்று கேட்டால் நம்மில் பலருககு திருக்குறள் தெரிந்திருக்க வாய்ப்பில்லை. அவர்களு க்காகவே இந்த தளம் உள்ளது. ஆம் திரு க்குறளில் உள்ள முதல் அல்லது கடைசி வார்த்தையை ஆங்கிலத்தில் டைப் செய் தால் பக்கத்தில் உள்ள பெட்டியில் தானா கவே தமிழில் மாறும் பின் அதறகு அரு கில் உள்ள தேடுக என்ற பொத்தானை அழுத்தினால் தாங்கள் தேடும் திருக்குறள் தோன்றும்,
