Thirucherai temple

🙏 *இன்றைய கோபுர தரிசனம்* 

 *அருள்மிகு*

 *சாரநாயகி (பஞ்சலெட்சுமி) தாயார் சமேத சாரநாதன்*

 *திருக்கோவில்*

திருச்சேறை,

தஞ்சாவூர் மாவட்டம்.

உலகம் அழியும் பிரளய காலத்தில் பிரம்மா திருச்சேறை திருத்தலத்தில் இருந்து மண்ணை எடுத்து அதனுள் வேதங்களை வைத்து காப்பாற்றினார் என்கிறது புராணம். இந்தத் தலத்தின் மண்ணானது, மிகுந்த சாரம் மிகுந்தது. ஆகவே பெருமாள் சாரநாத பெருமாள் என அழைக்கப்பட்டார். இதுவே பின்னாளில், திருச்சேறை என்றும் சாரநாத பெருமாள் என்றும் மருவியதாகச் சொல்கிறது ஸ்தல வரலாறு.

" அனைவரின் பாவங்களையும் போக்குவதால் கங்கையையே உயர்வாகச் சொல்லுகிறார்கள். இப்படியான பெருமை எனக்கும் வேண்டும்' என காவிரித்தாய், இங்கே உள்ள மேற்குக்கரையில், தவமிருந்தாள். இதனால் ஒரு குழந்தையின் வடிவில் காவிரித்தாயிடம் வந்து, அவளின் மடியில் அமர்ந்தார் பெருமாள். பின்னர், ஐந்து தேவியருடன் கருட சேவையாற்றி அருளினார். அன்று முதல், கங்கைக்கு நிகராக காவிரியும் போற்றப்படலானாள்.

எந்த வைஷ்ணவக் கோவிலிலும் இல்லாத ஒன்றாக, தைப்பூச திருவிழா இங்கே விமரிசையாகக் கொண்டாடப்படுகிறது. மேலும் அப்போது, காவிரித்தாய்க்கு பிரமாண்டமான விழாவும் பூஜைகளும் நடைபெறுகின்றன என்பதும் சிறப்பு வாய்ந்தது.

திருச்சேறை பெருமாளை ஒருமுறையேனும் வழிபட்டால், காவிரியில் 108 முறை நீராடிய பலன் கிடைக்கும் என்றும் நம் பாவங்களெல்லாம் தொலையும் என்றும் ஆச்சார்யர்கள் சொல்கிறார்கள்.

இங்கே, இந்தத் தலத்தில் ஐந்து தேவியருடன் சேவை சாதிக்கிறார் பெருமாள். அதாவது, ஸ்ரீதேவி, பூதேவி, ஸ்ரீமகாலட்சுமி, சாரநாயகி, ஸ்ரீநீலாதேவி என்று இங்கு அருள்பாலிக்கின்றனர். நின்ற திருக்கோலத்தில், கிழக்குப் பார்த்தபடி காட்சி தரும் பெருமாளின் அழகைப் பார்த்துக் கொண்டே இருக்கலாம்.