Pushkaradveepa varnanam - Sanskrit poem

🌷🌷🌷🌷🌷🌷🌷🌷

    ।।पुष्करद्वीपवर्णनम् ।।

🌷🌷🌷🌷🌷🌷🌷🌷

परतो दधिमण्डोदात् पुष्करद्वीप एव ह ।

रम्यो द्वीपस्तु वै चैष स्वादूदकेन चावृतः ।।१।।

समुद्रेणावृतो द्वीपो यस्मिन्बृहच्च पुष्करम् ।

देदीप्यन्ते शिखा यस्य पत्राणि कनकस्य हि ।।२।।

देवैर्गदितमेतद्वै ब्रह्मणः कमलासनम् ।

यत्र ध्यायति नित्यं स ब्रह्मा तं श्रीहरिं सदा ।।३।।

तस्य द्वीपस्य मध्ये तु मनोहरस्स्थिरस्तथा ।

मानसोत्तरनामैको मर्यादाऽचलपर्वतः ।।४।।

उन्नतं लम्बमानं च दससहस्रयोजनम् ।

सूतो हि शौनकादीन्वै परिमाणमुवाच ह ।।५।।

अस्मादुपरि सन्त्येव चत्वारि च पुराणि तु ।

महेन्द्रलोकपालानां चतसृषु च दिक्षु वै ।।६।।

यत्र सूर्यरथो मेरुं परिभ्रमति वै सदा ।

अहोरात्रं तु देवानां चक्रं बोधयतीति च ।।७।।

संवत्सरात्मकं चक्रं षण्णमासोत्तरायणम् ।

परिभ्रमति तत्रापि तद्दक्षिणायनं तथा ।।८।।

प्रैयव्रतस्तु वै राजा तद्द्वीपाधिपतिर्यथा ।

वीतिहौत्रनृपस्यैव द्वावेव चात्मजौ तथा ।।९।।

द्वयोर्नामनि वै स्तो हि रमणकश्च धातकी ।

वीतिहौत्रो ददौ वर्षे सुताभ्यां च यथामति ।।१०।।

स्वयं गतस्तपस्तप्तुं वर्षपती नियुज्य सः ।

तथा पूर्वजवच्चैष भगवत्कर्मसंस्थितः ।।११।।

तद्वर्षपुरुषा एते भगवत्प्राप्तिहेतवे ।

आराधयन्ति तं देवं ब्रह्माणं कमलासनम् ।। १२।।

बहुधा तं यजन्ते हि पुष्करवासिनो यथा ।

अर्पयन्ति तु कर्माणि तस्मै च ब्रह्मणे तथा ।।१३।।

ब्रह्मलिङ्गं नमस्तुभ्यं कर्मस्वरूपिणे नमः ।

अनेकरूपरूपाय चैकरूपाय ते नमः ।।१४।।

सृष्टिकर्त्रे नमस्तुभ्यं सरस्वतीप्रियाय च ।

वेदज्ञानस्वरूपाय जगत्पित्रे नमोस्तुते ।।१५।।

देवाश्च मुनयस्सर्वे स्तुवन्ति च नरा यथा ।

शिवान्या च स्तुतो देवः कृतं पुष्करवर्णनम् ।।१६।।

    (अनुष्टुप्छन्दः)

डा. शिवानी शर्मा, जयन्तीपुरम् , हरियाणाराज्यम् ।

🌷🌷🌷🌷🌷🌷🌷🌷