Shiva Rama yuddha - parable of Ramakrishna paramhansa

🕉🔔 ஸ்ரீராமகிருஷ்ணரின் கதைகள், உவமைகள்

சிவ- ராமர் சண்டை

கங்கையில் நீரிறக்கம் தொடங்கியது. கப்பல் கல்கத்தா நோக்கி விரைந்து சென்று கொண்டிருந்தது. பாலத்தை கடந்து கம்பெனியின்  தோட்டமும் தெரிந்தது. இன்னும் சிறிது தூரம் செல்லுமாறு காப்டனுக்குக் கூறப்பட்டிருந்தது. கப்பல் எவ்வளவு தூரம் சென்றுள்ளது என்பது பலருக்கும் தெரியாது.  அவர்கள் தங்களை மறந்து குருதேவரின் அமுத மொழிகளைக் கேட்டுக்கொண்டிருந்தனர். நேரம் எப்படி போகிறது என்பதே யாருக்கும் தெரியவில்லை.

தேங்காய்த்துருவல் கலந்த பொரி கொடுக்கப்பட்டது. அனைவரும் தங்கள் ஆடை நுனியில் அதனைச்சிறிதுவாங்கி உண்ணலாயினர். 

அங்கே ஆனந்தச் சந்தைதான். 

பொரிக்கு கேசவர் ஏற்பாடு செய்திருந்தார்.

கேசவரும் விஜயரும் அப்போதும் ஒருவரை ஒருவர் தவிர்ப்பதை குருதேவர் கவனித்தார். அவர்களின் மனக்கசப்பை நீக்கி இருவரையும் மீண்டும் நண்பர்களாக்கத் திருவுளம் கொண்டார். உயிர்களின் இன்பத்தில் இன்பம் அடைபவர் அல்லவா அவர்.

ஸ்ரீராமகிருஷ்ணர்---(கேசவரிடம்)- இதோ பாருங்கள், இங்கே விஜயர் வந்துள்ளார். உங்கள் சண்டை சிவனுக்கும் ராமனுக்கும் நடந்த சண்டை போல் உள்ளது. ராமனின் குரு சிவன், சிவனின் குரு ராமன். இருவருக்கும் போர் நடந்தது. உடனே அவர்கள் சமாதானமாகியும் விட்டார்கள். ஆனால் சிவ பெருமானுடைய பூதகணங்களுக்கும் ராமனின் குரங்குப் பட்டாளத்திற்கும் இடையில் சண்டையும் அடிதடியும் நிற்கவில்லை.

மிகவும் நெருக்கமானவர்களுக்கு இடையே இவ்வாறு உண்டாகவே செய்கிறது. லவ குசர்கள் ராமனுடன் போரிட்டனர். தாயும், மகளும் தனித்தனியாக செவ்வாய் விரதம் இருப்பார்கள். தாயின் நலனும் மகளின் நலனம் வெவ்வேறா என்ன? இல்லை. இவளின் நன்மையின் அவளுக்கு நன்மை உண்டாகிறது. அவளின் நன்மையில் இவளுக்கு நன்மை உண்டாகிறது. அது போல் இவருக்கு ஒரு சமாஜம் உள்ளது. அவருக்கும் ஒன்று வேண்டும். ஆனால் இதெல்லாம் வேண்டியது தான். இல்லாவிட்டால் பகவானே பிருந்தாவனத்தில் கோபியருடன் விளையாடும்போது , ஜடிலனும், குடிலனும் எதற்கு? ஜடிலனும் குடிலனும் இல்லாமல் விளையாட்டு சுவைக்காது. (எல்லோரும் சிரித்தனர்) ஜடில குடிலர்கள் இல்லாவிட்டால் தமாஷ் ஏது? (உரக்க சிரித்தனர்)

ராமானுஜர்  விசிஷ்டாத்வைதவாதி அவரது குருதேவர் அத்வைதி. இறுதியில் இருவருக்கும் கருத்து வேறுபாடு. ஒருவர் மற்றவரைக் கண்டிக்க ஆரம்பித்தனர். இவ்வாறெல்லாம் நடக்கவே செய்யும். ஆனால் எது  எப்படியிருந்தாலும் அவர்கள் குரு-சீடர்,. குரு-சீடராகவே இருந்தார்கள்.

அனைவரும் மகிழ்ந்தனர்.

ஸ்ரீராமகிருஷ்ணர்-(கேசவரிடம்) –நீங்கள் மனிதர் களின் இயல்பை எடைபோட்டு அவர்களைச்சீடராகக்கொள்வதில்லை.அதனால் தான் இப்படி பிரிந்து பிரிந்து போகிறார்கள்.

மனிதர்கள் அனைவரும் பார்க்க ஒரே போல் தான் இருக்கிறார்கள். ஆனால் இயல்போ மனிதருக்கு மனிதர் வேறுபடுகிறது. சிலரிடம் சத்வ குணம் அதிகம், சிலரிடம் ரஜோ குணம் , சிலரிடம் தமோ குணம். கொழுக்கட்டைகள் எல்லாம் பார்க்க ஒரே போல் தான் உள்ளன. ஆனால் சிலவற்றின் உள்ளே திரட்டுப்பால், சிலவற்றில் தேங்காய், இன்னும் சிலவற்றில் உளுத்தம் பருப்பு,🔔🕉