Value of Srimad Bhagavad gita

🎁 *नानावर्णपत्राणि* 📝

(अनुवादलेखः)

--उषाराणी सङ्का

काचित् स्थविरा प्रतिदिनं मन्दिरस्य पुरतः भिक्षां याचते स्म। कदाचित् मन्दिरात् कश्चित् साधुः वयोवृद्धां दृष्ट्वा एवमपृच्छत्- "भवती सत्कुलजा दृश्यते। भवत्याः पुत्रोऽपि सज्जनः किल। कुतोऽत्र तिष्ठति प्रतिदिनम्?" इति।

 तदा सा परिणतवयस्का प्रत्युवाच- "तात, भवान् जानाति, मम एक एव पुत्रः। अनेकवत्सरेभ्यः पूर्वमेव मम पतिः दिवङ्गतः। मम पुत्रः अष्टमासेभ्यः पूर्वं मां त्यक्त्वा वृत्तये गतवान्। गच्छन् सः मम उपयोगार्थं किचित् धनं दत्त्वा गतवान्। तत् सर्वं व्ययीकृतं मम आवश्यकतार्थम्। अहमपि जरठा जाता। कष्टेन धनमर्जितुं न शक्नोमि। अत एव देवायतनस्य प्राक् भिक्षां याचे।" इति।

 सज्जनः न्यगदत्- "किं ते सूनुः अधुना भवत्यै वित्तं न प्रेषयति?" इति।

 सा गतवयस्का प्रत्यवोचत्- "मम सुतः मासं मासं एकैकं नानावर्णकं पत्रं प्रेषयति। तदहं प्रेम्णा चुम्बित्वा आत्मजस्य स्मरणार्थं तत् भित्तौ संसक्तीकरोमि।" इति।

 महात्मा तस्याः गृहं गत्वा द्रष्टुं मतिं चकार। अपरेद्युः सः तस्याः गेहान्तः स्थितं कुड्यं विलोक्य आश्चर्यचकितोभवत्। भित्त्याम् अष्टौ धनादेशपत्राणि संलग्नानि। एकैकस्य मूल्यं पञ्चाशत्सहस्रमितम् आसीत्।

 सा जरती अक्षरज्ञानशून्या। अतः सा न जानाति, तस्याः समीपे कियती सम्पत्तिरासीदिति। स सत्पुरुषः विषयमवगम्य तस्यै तेषां पत्राणां मूल्यं ज्ञापितवान्। 

 वयमपि सा पलितेव स्मः। अस्माकं समीपे यः भगवद्गीताग्रन्थः अस्ति, तस्य मूल्यमज्ञात्वा शिरसा प्रणम्य गृहे निधायां भद्रं स्थापयामः॥

--उषाराणी सङ्का

समार्थकपदानि—

1. पुत्रः, सुतः, तनयः, सूनुः, आत्मजः, आत्मसंभवः, नंदनः, अंगजः, तनु(नू)नुः, दारकः, कुमारः;

2. वृद्ध, स्थविर, प्रवयस्, परिणत, परिणतवयस्, जीर्ण, वयोवृद्ध; जरठ, जरत्, जरातुर, गतवयस्क, जीन, जरण, जरंड; (स्त्री-) जरती, स्थविरा, वृद्धा, पलिता, पलिक्नी;

3. साधुः, सत्पुरुषः, सज्जनः, महात्मा

4. भित्तिः, कुड्यं;

5. मन्दिरं, देवायतनम्