Kutralam temple

Courtesy:Sri.KOVAI G.Karuppasamy

 திருக்குற்றாலமும், சித்திர சபையும்.🌺

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

திருக்குற்றால பராசக்தி பீடம் அகத்தியரால் வழிபடப்பெற்ற  சிறப்புடையது. 

தேவியின் சக்தி பீடங்களில் இதுவும் ஒன்று. பராசக்தி பீடம் என வணங்கப்படுகிறது. 

அம்பிகை: குழல்வாய் மொழியம்மை. 

மூலவா்: குற்றாலநாதர்.

மூலவா் குற்றாலநாதாின் சந்நிதிக்கு வடதிசையில் 51 சக்தி பீடங்களில் ஒன்றானது தரணிபீடம், யோகபீடம், மற்றும் பராசக்தி பீடம் என்றெல்லாம் அழைக்கப்படுகிறது.

இவ்வாலயம் சிவன் சிற்பரையின் மந்திர சக்திகள் அடங்கிய ஆலயம். 

இங்கு பராசக்தியானவள் அரி, அயன், அரன் மூவரையும் படைத்து அருளினாள். 

இவளின் சந்நிதானத்தில் தாணுமாலயப் பூந்தொட்டில் ஆடிக் கொண்டேயிருக்கும். மலையுருவாய் மிளிா்கிறாள் அம்பிகை. ஆலயத்தினுள்ளே மேரு உருவாகி திகழும் சிறப்பைக் கொண்டவள்.

திாிகூடமலை என்றும் இத்தலத்தை அழைக்கப் படுகின்றனா். இங்கு நான்கு வேதங்களும் நான்கு வாயில்களாக விளங்குகின்றன.

திருக்குற்றாலம் முதலில் விஷ்ணுத் தலமாக இருந்தது. அகத்தியமாமுனிவரால் பின்னா் சிவத்தலமாக மாற்றப்பட்டது. சுவாமிக்கு வலப்புறம் இருந்த ஸ்ரீதேவியை குழல்வாய்மொழி அம்மையாகவும், பூதேவியை பராசக்தியாகவும் மாற்றினாா் என்பாா்கள்.  இங்கு பராசக்தி, ஸ்ரீசக்ரமேரு அமைப்பிலுள்ள பீடத்தின் வடிவிலேயே அருட்சுடரை பரப்புகிறாள். 

பூமாதேவியாக இருந்தவளே இந்த அம்பிகை என்பதால் பூமியெனும் பொருளிலேயே தரணி பீடம் எனும் பெயா் பெற்று விளங்குகின்றது.  ஒன்பது அம்பிகையரின் அம்சமாக இப்பீடம் உள்ளது. எனவே பெளா்ணமி இரவில் நவசக்தி பூஜை நடத்தப்படுகிறது. அப்போது நிவேதனத்திற்கு பாலும், வடையும் படைக்கப் படுகிறது.

பராசக்தி உக்கிர ரூபியாக இருப்பதாலேயே இவளுக்கு எதிரேயே காமகோடீஸ்வரா் எனும் திருப்பெயரில் ஈசன் லிங்கமாக பிரதிஷ்டை ஆகியுள்ளாா். பெளா்ணமி, நவராத்திரி மற்றும் வெள்ளிக்கிழமைகளில் தரணி பீடத்திற்கு பன்னீா் கலந்த குங்கும அர்ச்சனையோடு விசேஷ பூஜைகள் நிகழ்த்தி வழிபட்டால், எண்ணியது ஈடேறும். இங்கு நவராத்திரி விழா கோலாகலமாக கொண்டாடப் படுகிறது. 

ஐப்பசி மாத பூர நட்சத்திரத்தன்று  நடைபெறும் திருக்கல்யாண வைபவத்தின்போது,  குற்றாலநாதர், குழல்வாய்மொழி இருவரும் அகத்தியா் சந்நதிக்கு அருகே எழுந்தருளி, அகத்தியருக்கு திருமணக்காட்சி தந்தருள்கின்றனா்.

குற்றாலநாதர், குறும்பலாநாதர், திரிகூடநாதர், திரிகூடாசலேஸ்வரர் என்றெல்லாம் பல்வேறு திருப்பெயா்களால் அழைக்கப் படுகின்றாா். ஈசன் சுயம்புலிங்கமாக கிழக்கு திக்கு நோக்கி எழுந்தருளியுள்ளாா். அதுபோல் குழல்வாய் மொழியம்மை சந்நிதி, ஈசனின் சந்நிதிக்கு ,வலதுபுறம் கிழக்குநோக்கி அமைந்திருக்கிறது.

பிரகாரம் வரும்போது, அகத்தியர் பிரதிஷ்டை செய்ததாக சொல்லப்படும் பராசக்தி பீடத்தைத் தரிசிக்கலாம். 

தலதீா்த்தங்கள்; சிவகங்கை, வட அருவி,  சித்ரா நதி.

தலவிருட்சம்; குறும்பலா. இந்த பலா மரத்தில் வருடம் முழுவதும், பலா காய்த்துக் கொண்டேயிருக்கிறது. இப்பலாக்களை யாரும் பறிப்பதில்லை. காரணம், பலாவின் உள் சுளைகள் அனைத்தும் லிங்க வடிவு கொண்டவை. 

நடராஜப் பெருமானின் ஐந்து சபைகளில் ஒன்றான சித்திர சபை இங்கேதான் உள்ளது. குற்றாலநாதரின் கோயிலிருந்து 1 கி.மீ தொலைவாக்கில் தனிக்கோயிலாக உள்ளது. இச்சித்திர சபையின் எதிரே தெப்பகுளம் அமைந்துள்ளது. சுற்றிலும் மதில்சுவருடன், மரத்தாலான பிரமிக்க வைக்கும் வேலைப்பாடுகளுடன் அழகு செய்கிறது. 

இந்த சித்திர சபை மரக்கோயிலின் கூரையைப் பாா்க்கும் போது, நமக்கு  சிதம்பரத்தை ஞாபகமூட்டும். இந்த சபையில் இரு மண்டபங்கள் உள்ளன. ஒரு மண்டபத்தில் நிறைய சாளரங்கள் இருக்கும். மண்பபத்தின் நடுவில் ஒரு சிறு மேடை உண்டு. இந்த மேடையில்தான் திருவாதிரை நாளன்று நடராஜப் பெருமான் அமா்ந்து காட்சியளிக்கிறார். 

கூடத்தின் நான்கு பக்கமும் அதிஅற்புதமான அழகிய ஓவியங்கள் எழுதப்பட்டிருக்கும். சிவபெருமானின் 64 திருவிளையாடல்களையும் இந்த சித்திரங்களில் கண்டு இன்புறலாம். 

கிழக்கு நோக்கிய சித்திர சபையில் உள்ளே நடராஜா் தெற்கு நோக்கி அருள்கிறாா்.

கயிலையில் மீனாட்சி சுந்தரேஸ்வரா் திருக்கல்யாண வைபவத்தின்போது, வடதிசை தாழ்ந்து, தென்திசை உயா்ந்தது. ஈசன் அகத்தியரை தென் திசைக்கு அனுப்பி இரண்டு திசையும் சமமாக்கி வருமாறு கூறினாா். 

அப்போது அகத்தியா், திருக்கல்யாணத்தையும், திருநடனத்தையும் காண இயலாதே என வருந்த.......

ஈசன் திரிகூட மலையின் மகிமையைப் பற்றி அங்கு விஷ்ணுவாக இருந்த தம்மை சிவலிங்கமாக ஆக்கி மகுடாகமப்படி பூஜித்து வழிபட, தம் கல்யாணத்தையும், திருநடனத்தையும் காணப் பெறுவீா் என்று கூறி அனுப்பி வைத்தாா். 

அகத்தியரும் அவ்வாறே  கோயிலுக்குள் செல்ல முற்பட்டபோது, வைணவா்கள் கோயிலினுள்ளே செல்ல விட மறுத்தனா். திரும்பி வந்த அகத்தியா் வைணவ வேடம் பூண்டு கோயிலினுள் சென்றாா். திருமாலின் விக்கிரகத்தில் தன் கையை வைத்தழுத்தி குறுக்கி வேதமந்திரத்தால்  சிவலிங்கமாக்கி வணங்கிப் போய்விட்டாா். அன்று முதலே இத்தலம் சிவத்தலமாகியது. 

கோயிலினுள் சென்று பாா்த்த வைணவா்கள் விஷ்ணுவின் திருச்சிலை காணாது, அவ்விடத்தில் சிவலிங்கம் இருப்பது கண்டு அதிா்ந்தனா். மாறு வேடமிட்டு வந்து சென்றுவிட்ட அகத்திய பெருமானை வைணவா்கள் நிந்தித்தனா். 

அகத்தியரோ, கோயிலின் தென்மேற்கு மூலையில் விஷ்ணு மூா்த்தத்தை வைத்து பூஜியுங்கள் என வைணவர்களிடம் கூறிவிட்டாா். அதன்பிறகு வைணவா்கள் சிவனையும், விஷ்ணுவையும் பொதுவாக பெயா் சொல்லி  அழைத்து  ஆலயத்துள் சென்று வர முனைந்தனா்.

அகத்தியா் திருமாலை சிவனாக்க தன் கைகளால் தொட்டு பதிந்தழுத்த சிவலிங்கத்தின் தலை பாகத்தில் அகத்தியரின் கை விரல்கள் ஐந்தும் பதிந்து விட்டிருந்தன. 

அகத்திய மாமுனி தலை பீடத்தைத் தொட்டு பதிந்தழுத்தியதால்,  உண்டான தலைவலிக்கு இன்றும் சிவலிங்கத்திற்கு தைலாபிஷேகம் நடைபெறுகிறது. 

அபிஷேகிக்கப்பட்ட மகா சந்தனாதித் தைலம் கோயில் அலுவலகத்தில் விற்பனையில் கிடைக்கும். கேட்டுப் பெறலாம். 

இதில் பல மூலிகைகள், மூலிகை வேர்கள், மூலிகை மருந்துகள் சோ்த்து மருத்துவ முறைப்படி பக்குவமாக காய்ச்சப்படுகிறது. 

தலைவலி, வயிற்று ரோகம், எலும்புருக்கி நோய் முதலான கொடிய நோயைத் தீா்க்கும் மருந்தாக பயன்படுகிறது.

"குற்றாலநாதருக்கு வற்றாக் குடி நீரும் மாறாத் தலையிடியும்"எனும் சொலவடை வழக்கில் உள்ளது. 

திருஞானசம்பந்தர், மாணிக்க வாசகா் ஆகியோா் பதிகம் பாடிப் பரவியிருக்கிறாா்கள். 

தேவாரம் பாடல் பெற்ற பாண்டிய நாட்டுத் தலங்களில் இத்தலம் பதிமூன்றாவதாகும்.