72 Melakartha ragas-song

Courtesy : Sri Anunada singh

========================

=======================

श्री महावैद्यनाथशिवविरचिता

७२ मेळरागमालिका

ताळम: आदि

पल्लवि - श्रीरागम

प्रणतार्तिहरप्रभो पुरारे प्रणवरूप संपदे पदे |

प्रणमामि श्री प्रकृतिप्रेरक प्रमथगणपते पदे पदे ||

जति

तां तां तकणक धीं धीं धिमितरि किटतक तरिकुडु
तधीं धींकु तकधिमि तकतरि किटतक झम
नादिरु दिरुधों दिरुदिरु दित्तिल्लाना दिरिना ताना दोंतिरि
तकणक तकजणु तकधिमि ध्रुक्डतत तळाङ्गुतों
तकतिक तधिङ्गिणतोम

अनुपल्लवि - चरणम

कनकाङ्ग्या रमया पूजित सनकादिप्रिय कृपालय || १ ||
रत्नाङ्ग्या धर्मसंवर्धन्या रमण मां परिपालय || २ ||
गानमूर्तिरिति धनशास्त्रमानमूर्धन्यैर्गदितोऽसि || ३ ||
श्रीवनस्पतिदलसमर्चनेन पावनभक्तैर्विदितोऽसि || ४ ||
मानवतीभिः स्मृतिभिरुक्तकर्मकृन मानवपापं वारयसि || ५ ||
तानरूपिणं त्वां भजन्ति ये तारमुपदिशंस्तारयसि || ६ ||
देवसेनापतिजनक नीलग्रीव सेवकजनपोषण || ७ ||
हनुमतो डिण्डिमभवं स्तुवतः सुतनुमतोऽददाभूतिभूषण || ८ ||
भानुकोटिसंकाश महेश धेनुकासुरमारकवाहन || ९ ||
आनन्दनाटकप्रियामरवर श्रीनन्दनाटवीहव्यवाहन || १० ||
कोकिलप्रियाम्रकिसलयाङ्ग गोकुलपालनपटुभयभञ्जन || ११ ||
बहुरूपावतीह भवान मां मुहुर्मुहुरूर्जितभक्तजनरञ्जन || १२ ||
धीरभद्राख्यगायकप्रिय वीरभद्रादिपालितशरण || १३ ||
देवकुलाभरणोद्धारक श्रीवसुदेवकुलाभरणनतचरण || १४ ||
जितमाया माळवगौळान्तर्गतमाहेशाः त्वां विन्दन्ति || १५ ||
चक्रवाककुचार्धाङ्ग त्वत्कृपया शुक्रवाक्पतिसुराः नन्दन्ति || १६ ||
तेजसा जितसूर्यकन्त्या गौर्या ओजसाऽतुलप्रताप || १७ ||
शुभकर हाटकाम्बरिशराब्जनिभकर हतभक्तपरिताप || १८ ||
झंकारध्वनियुतमालाधर टंकारध्वनियुतचाप || १९ ||
महानट भैरवीमारुतिभारतीसहायदेवैर्नतकोप || २० ||
शिव नत्कीरवाणीवशग भवन इव वस मे मनसि || २१ ||
खरहरप्रियमालोक्य परात्पर हर दयया पालितवानसि || २२ ||
गौरीमनो हरिदम्बर सततं गौरिव वत्से रमते भवति || २३ ||
योऽसौ अरुणप्रियादित्यः तं त्वा सा श्रुतिरानता भवति || २४ ||
माररञ्जनीवरद निरहंकारजना मुक्त्यै त्वां स्तुवन्ति || २५ ||
चारु के शिवलिङ्गमनार्च्य मेरुधन्वन सुखमाप्नुवन्ति || २६ ||
सरसां गीतिं कीर्तिं दिश मे तरसा अङ्गीकृतहतमदन || २७ ||
हरिकाम्भोधिसंभवामरदुरितनिवारक स्मितवदन || २८ ||
धीर शङ्कराभरणसमं त्वां घोरशङ्कया नो जाने || २९ ||
ज्ञानगानं कृतवतां वरद श्रीनगानन्दिनीजाने || ३० ||
यागप्रियामरत्यागप्रियं विधिं द्रागप्रियेण शिक्षितवानसि || ३१ ||
सदानन्दे त्वयि रागवर्धनीं मुदा पुनितवतीं रक्षितवानसि || ३२ ||
श्रितगजवदन गाङ्गेय भूषणीकृतभुजङ्ग नतसुरकदम्ब || ३३ ||
वागदीश्वरीश्रियौ यदङ्गसंभवे भोगमोक्षदा जगदम्बा || ३४ ||
शूलिनी तया धर्मवर्धन्या खेलसि दयया सुरवरिष्ठ || ३५ ||
कैलासाचलनातकृद्भुजशैलदण्डकचरणाङ्गुष्ठ || ३६ ||

(प्रणतार्तिहर प्रभो पुरारे)

 

प्रतिबिंबरसालगफलसमा विषया इति बिम्बाधराः संत्यजन्ति || ३७ ||
ये भवजलार्णवं संतरितुं ते भवदङ्घ्रिनौकां भजन्ति || ३८ ||
झलं झलवराळिगीतमालाधर जलन्धरासुरमारक || ३९ ||
सुरदानवनीतामृतविमुख वरदाननिरत तारक || ४० ||
भोः पावनीपिष्टास्वादनरसिकभूप अव नीपवनसुन्दर || ४१ ||
रघुप्रियार्चितराजीवचरण मघप्रणाशन भुजमन्दर || ४२ ||
गवाम्भोधिः तीर्ण इव मया भवाम्भोधिः तव दयया || ४३ ||
इह प्रसन्नो भव प्रियतमया सह प्रमथप द्रागुमया || ४४ ||
सर्वशुभापं तु वराळिकाक्षं कुर्वनुग्रहं त्वां वन्देऽहम || ४५ ||
सदय षड्विधमार्गिणि मनुजे हृदयग न कुर्वे संदेहम || ४६ ||
सुवर्णां गीतिं समुपदिश प्रथमवर्णाङ्गीकृतवैकुण्ठ || ४७ ||
दिव्यमणिबन्धे बद्धनागकङ्कण भव्यमणिलसितश्रीकण्ठ || ४८ ||
सुबलारिमुखामरप्रपूजित धवळाम्बरीपतेर्दुर्दर्श || ४९ ||
सुरूपनामनारायणीसहचर स्वरूपभासकादर्श || ५० ||
धर्मकामवर्धनीविलसित निर्मलाङ्ग शुभदायक || ५१ ||
नितरां अप्रियवादिनि विमुख नतराम अग्निसायक || ५२ ||
चिदंबरगमनश्रमापहरणं कदंबरमण मम दीयताम || ५३ ||
विश्वं भरितं त्वयाष्टमूर्त्या शश्वद्धनमाधीयताम || ५४ ||
श्यामळाङ्गीकृतवामभाग कोमळाङ्गजशरभङ्ग || ५५ ||
षण्मुखप्रियाङ्गुप्रियजनक हिरण्मयाङ्गनत शरभाङ्ग || ५६ ||
हर सिंहेन्द्रमध्यमार्धाङ्ग नरसिंह अजिनाम्बर || ५७ ||
पुरहर हैमवतीमनोहर हर रक्षितसुरनिकर || ५८ ||
विदितधर्मौ अतिकायजिद्रामौ मुदितमनाः त्वं रक्षितवान || ५९ ||
नीतिमतीह जनेऽतिप्रियोऽसि प्रीतिमतिरहितान शिक्षितवान || ६० ||
श्रियोऽधिकां तां अणिमादिदां पयोधिकान्तामणिसेविताम || ६१ ||
धर्मवर्धनीं सुरर्षभप्रियां निर्मलभक्तैर्भाविताम || ६२ ||
मननशीलतां गीर्वाणपतेः जननवर्जितामुक्तवतीम || ६३ ||
भूमिषु वाचस्पतिसंबन्धस्वामिने ज्ञानं दत्तवतीम || ६४ ||
मेचकल्याणीं वाचं दिशतीं मोचकदायिनीं रमसे || ६५ ||
विचित्राम्बरीषवरदभाग सचित्रगुप्तयमागः क्षमसे || ६६ ||
सुचरित्रमुखभक्तसङ्गीत सुचरित्रमुखरितवाद्य || ६७ ||
ज्योतिःस्वरूपिणि त्वयि प्रसन्ने भाति स्वरूपं किं नाद्य || ६८ ||
धातुवर्धनीं तवाभिधासुधां पातुकामिनी मम रसना || ६९ ||
सुखेन आसिकाभूषणं हि सतां मुखे नासिकेव विवसन || ७० ||
कोसलपः त्वाऽऽपूज्याघं हित्वा सभापते मुमुदे हि || ७१ ||
भक्तापदानरसिकप्रिय त्यक्तापदानन्दं मम देहि || ७२ ||

(प्रणतार्तिहर प्रभो पुरारे)

इति श्रीमहावैद्यनाथशिवविरचिता
मेळरागमालिका समाप्ता

knr

--
If God brings you to it, He will bring you through it.
Happy moments, praise God.
Difficult moments, seek God.
Quiet moments, worship God.
Painful moments, trust God.

 Every moment, thank God