Whose side is Krishna?

**ஸ்ரீமதே ராமாநுஜாய நமஹ... ஸ்ரீமத் வரவரமுநயே நமஹ...* 🙏🙏🙏

      

           *தஸாவதாரம்* 

          *ஸ்ரீகிருஷ்ணாவதாரம்* 

 *பகுதி 24* 

*மண்ணாடும் விண்ணாடும் வானவரும் தானவரும் மற்றுமெல்லாம்* 

 *உண்ணாத பெருவெள்ளம் உண்ணாமல் தான்விழுங்கி யுய்யக்கொண்ட,* 

 *கண்ணாளன் கண்ணமங்கை நகராளன் கழல்சூடி, அவனையுள்ளத்* 

 *தெண்ணாத மானிடத்தை யெண்ணாத போதெல்லா மினியவாறே.* 

 *பெரிய திருமொழி 11.06.07 திருமங்கையாழ்வார்* 

 *விளக்கம்* 

மண் நாடும்

–

பூலோகமும்

விண் நாடும்

–

சுவர்க்கமும்

வானவரும்

–

தேவர்களும்

தானவரும்

–

அசுரர்களும்

மறறும் எல்லாம்

–

மற்றுமுண்டான பொருள்களுமெல்லாம்

உண்ணாத

–

மூழ்கும்படியான

பெரு வெள்ளம்

–

மஹாபிரவாகம்

உண்ணால்

–

(உலகத்தை) விழுங்காதபடி

தான் விழுங்கி உய்யக் கொண்ட

–

தான் திருவயிற்றிலே  வைத்து நோக்கி

கண்ணாளன்

–

பரமதயாளுவும்

கண்ணமங்கை நகராளன்

–

திருக்கண்ணமங்கைத் தலத்திற்குத் தலைவனுமான எம்பெருமானுடைய

கழல்

–

திருவடிகளை

சூடி

–

சிரமேற்புனைந்து

அவனை

–

அப்பெருமான்

உள்ளது

–

நெஞ்சிலே

எண்ணாத

–

சிந்திக்காத

மானிடத்தை

–

மனிதர்களை

எண்ணாத போது எல்லாம்

–

நினைக்காத போதெல்லாம்ல்லாம்

இனிய ஆறே

–

எமக்கு இனிதாகச் செல்லும் விதம் என்னே!       

*கிருஷ்ணன் யார் பக்கம்* 

பாண்டவர்களின் வனவாச அஞ்ஞாதவாச கால இறுதியில் 

அபிமன்யுவிற்கும் உத்தரைக்கும் திருமணம் நடந்தது. மறுநாள் பாண்டவர்களுடன்.. திருமணத்திற்கு அழைக்கப்பட்டிருந்த மன்னர்கள் வந்திருந்தனர். தவிர, பலராமர், கிருஷ்ணர், துருபதன் ஆகியோரும் இருந்தனர். எதிர்கால திட்டம் பற்றி கண்ணன் பேசினார். 'துரியோதனன் வஞ்சனையால் நாட்டை கவர்ந்ததுடன்.. பாண்டவர்களுக்கு நிபந்தனை விதித்தான். அவற்றை பாண்டவர்கள் நிறைவேற்றிவிட்டனர்.இனி துரியோதனன் கருத்து அறிய ஒரு தூதுவனை அனுப்பி.. நாட்டில் பாதியை ப் பாண்டவர்க்குத் தர கூற வேண்டும்' என்றார்.

ஆனால்,  கண்ணனின் இக்கருத்தை பலராமர் ஏற்கவில்லை.'சூதாட்டத்தில் தோற்ற நாட்டை திரும்பவும் தருமாறு வற்புறுத்துவது நியாயமில்லை. தூதுவன் நயமாக பேசிப்பார்க்கலாம். கொடுத்தால் பெறலாம். ஆனால் அதற்காக போர் கூடாது' என்றார்.

'இந்த முக்ய பிரச்னையில் பலராமரின் கருத்து ஏற்றத்தக்கதல்ல. பலநாட்டு மன்னர்களின் உதவி பெற வேண்டும். முதலில் கேட்போர்க்கே உதவுதல் மன்னரின் இயல்பாகும். ஆகவே உடன் செயல்பட வேண்டும். துரியோதனனிடம் செல்லும் தூதுவன் திறை வாய்ந்தவனாய் இருக்க வேண்டும்' என்றார் துருபதன்.

துருபதனின் கருத்து ஏற்கப்பட்டது. பிற மன்னர்களின் உதவியைப் பெறுவதில் துரியோதனன் முனைப்புக் காட்டினான். கண்ணனைப் பார்க்க துவாரகைக்குச் சென்றான். அதே நேரம் அர்ச்சுனனும் சென்றான். அப்போது கண்ணன் உறங்கிக் கொண்டிருந்தார். கண்ணனின் தலைப்பக்கம் அகங்காரத்துடன் துரியோதனனும், கால் பக்கம் பணிவாக அர்ச்சுனனும் அமர்ந்திருந்தனர். கண்விழித்துப் பார்த்த பரமன் கண்களில் முதலில் அர்ச்சுனனே தென்பட்டான். அர்ச்சுனன் பரமனின் உதவியைக் கேட்டான். துரியோதனனும் அதே சமயம் கேட்டான். 'நானே முதலில் வந்தேன்' என்றான் துரியோதனன். ஆனால் நான் பார்த்தனைத்தான் முதலில் பார்த்தேன் என்றார் கண்னன். ஆயினும் என் உதவி இருவருக்கும் உண்டு. என் உதவியை இரண்டாகப் பிரிக்கிறேன். ஆயுதம் இல்லா நான் ஒரு பங்கு, ஆயுதம் ஏந்தி கடும் போர் புரியும் என்னுடைய அக்குரோணிப்படைகள் ஒரு பங்கு. அர்ச்சுனன் இளையவனாக இருப்பதால் அவன் விரும்பியது போக எஞ்சியது உனக்கு' என்றார் கண்ணன்.

அர்ச்சுனன் கண்ணன் மட்டுமே போதும் என்றான். தனக்குக் கிடைத்த படைபலம் குறித்துப் பெரிதும் மகிழ்ந்தான் துரியோதனன்.

பின்..பலராமரிடம் சென்று உதவிக் கோரினான் துரியோதனன் பலராமரோ கண்ணனுக்கு எதிராக என்னால் செயல்பட முடியாது. அதே சமயம் நான் பாண்டவர் பக்கமும் போகமாட்டேன். நடுநிலைமை வகிப்பேன். போர் நடக்கையில் தீர்த்தயாத்திரை செல்வேன்' என்று கூறிவிட்டார்.

பாண்டவர்களின் தூதுவன் பாஞ்சால நாட்டுத் துருபதனின் புரோகிதன் அஸ்தினாபுரம் அடைந்தான். பாண்டவர்கள் பதின்மூன்று ஆண்டுகள் காட்டிலும் நாட்டிலும் நிபந்தனைப்படி வாழ்ந்து விட்டனர். அவர்களிடம் நாட்டை ஒப்படைப்பதே சரியான நீதியாகும். அப்படி அளிக்காவிடின் யுத்தம் தவிர்க்கமுடியாது என்றான். தூதுவன் சொல் கேட்டுக் கர்ணன் கோபமுற்றான். பாண்டவர்களை வெற்றிக் கொள்ளத் தன்னால் முடியும் என்றான்.

கர்ணன் சொன்னதை பீஷ்மர் ஏற்கவில்லை. திருதிராட்டிரன் தூதுவனை திரும்பிப் போக பணித்தான்.

 பின் திருதிராட்டிரன் கௌரவர்கள் கருத்தை பாண்டவர்களுக்குத் தெரிவிக்க சஞ்சயனை தூதுவனாக பாண்டவர்களிடம் அனுப்பினான். அப்போது பகவான் அர்ஜுனனின் மடியில் தலைவைத்து படுத்திருந்தார் இதைக் கண்ட சஞ்ஜயன் பண்டவர்களுடன் இவ்வளவு நெருக்கமா என வியந்து கௌரவர்களுக்காக தான் தூது வந்திருப்பதாகவும் 'இந்திரப்பிரஸ்தத்தை மட்டுமல்ல ஒரு கையளவு நிலம் கூட பாண்டவர்க்கு தரமுடியாது. போர் வருமேயாயின் பாண்டவர் தோல்வியைத் தழுவுவர்.' என்றான்  பாண்டவர்களிடம்.

போரில் தருமருக்கு விருப்பமில்லை ஆனாலும் நாட்டைத் திருப்பித் தராவிடில் போர் தவிர வேறு வழியில்லை என அறிந்துக்கொண்ட சஞ்சயன் அதை திருதிராட்டிரனிடம் வந்து தெரிவித்தான்.

விதுரர் திருதராஷ்டிரனிடன் பல்வேறு தர்மங்களைச் சொல்லி அதர்மத்தால் நாடு சந்திக்கப் போகும் அழிவுகளையும் விரிவாக உபதேசித்தார். அதுகேட்ட திருதராஷ்டிரன்

துரியோதனனிடம், பிடிவாதத்தை விடுமாறு  கூறியும் அவன் கேட்கவில்லை.

'தந்தையே! நான் அனைத்து விஷயமும் அறிந்தவன். இந்த பாண்டவர்கள் சூதாடித்தோற்ற போதே ஏன் போருக்கு கிளர்ந்து எழவில்லை. அவர்களுக்கு மான உணர்ச்சி கிடையாது. சபதம் என்ற பெயரில் வீரவாதம் புரிந்தனர். தருமர் ஒரு முறை சூதில் தொலைத்தவர் மீண்டும் இரண்டாம் முறை ஏன் சூதாட வேண்டும். கிருஷ்ணனின் துணை இப்போது இருப்பதால் இப்போது போரிடத் தயார் என்கிறார்கள், போர் தொடங்கட்டும் பார்ப்போம். என்னிடம் 11 அக்ரோணி படை உள்ளது. அவர்களிடம் 7 மட்டுமே உண்டு. அவர்களுக்கு வெற்றி கிடைக்கும் என நான் எண்ணவில்லை அதனால்தான் 5 ஊர்கள் போதும் என கெஞ்சிக் கேட்கிறார்கள். தந்தையே 5 ஊசிமுனை அளவு நிலம் கூட அவர்களுக்கு நான் தரமாட்டேன்' என்று கூறிக் கர்ணனைப் போல் அவனும் அவையை விட்டு வெளியேறினான்.

 *ஆழ்வார் எம்பெருமானார் ஜீயர் திருவடிகளே சரணம்* 🙏🙏🙏

 *வானமாமலை  ராமானுஜ ஜீயர் திருவடிகளே சரணம்* 🙏🙏🙏

நாளையும்  ஸ்ரீகிருஷ்ணாவதாரம்   தொடரும் ....

🙏 *சர்வம் கிருஷ்ணார்ப்பனம்* 🙏*