Sanskrit joke

🌻🌻🌻🌻🌻🌻🌻🌻🌻🌻

एकः जनः पर्वतमार्गेण गच्छन्नासीत्।अकस्मात् तेन ध्वनिः श्रुतः," तिष्ठतु " इति।

सः अतिष्ठत्। यदा सः स्थितः तदैव  तस्य पुरतः पर्वतशिलास्खलनम् आरब्धम्।

तद्ध्वनये प्राणरक्षणार्थं धन्यवादान् प्रदाय सः निरगच्छत्।

कतिभ्यश्चित् दिनेभ्यः अनन्तरं सः एव मनुष्यः महामार्गे चलन् आसीत्।पुनः सः एव ध्वनिः तेन श्रुतः," तिष्ठतु।"

सः अतिष्ठत्।एकं कार्-यानं तस्य अतिसमीपतः एव अतिवेगेन अगच्छत्।अपघातात् स्तोकान्मुक्तः सः पुनरेकवारं तस्मै ध्वनये धन्यवादान् अदात्।ततः तेन पृष्टं ,"भवान् कः आर्य,तथा च मम द्विवारं प्राणरक्षणं किमर्थं कृतवान्?"

ध्वनिना प्रत्युत्तरितम्,"अहं जनानां रक्षिता देवदूतः।"

तस्मै देवदूताय पुनरेकवारं धन्यवादान् प्रदाय रुदन्नेव तेन पृष्टं ,"मम विवाहसमये भवान् कुत्र आसीत् भोः?"

उत्तरं प्राप्तं--

तदा अपि मया भवान् सूचितः आसीत्। तथापि विवाहसमये डी.जे. साधनस्य कर्णौ बधीरयता कोलाहलेन मम ध्वनिः भवता न श्रुतः। 

टिप्पणी-- *अतः मित्राणि,विवाहे डी.जे. साधनस्य उपयोगः मा क्रियताम्।*

🤪🤪🤪😜😜😜😃😃😃😃