Oru vasagam enru unar - Periyavaa

श्री गुरुभ्यो नमः। सर्वेभ्यः सुप्रभातं नमस्कारः च। ஶ்ரீ குருப்யோ நம:! அனைவருக்கும் நற்காலையும் வணக்கங்களும்!

Today's "amruta bindu" from Sri Chandrasekaramrutham - 21.01.21:

* ஆழ்வார்கள் விஷ்னுபரமாகப் பாடி வைத்துள்ளார்கள்; நால்வர்கள் சிவபரமாகப் பாடினார்கள்.

* வேதத்தில் சகல தெய்வங்களையும் ஒரே மாதிரி ஸ்தோத்திரம் செய்திருக்கிறது.

* உபநிஷத்து என்று போனால், அங்கே தெய்வங்களைப் பற்றி அதிகம் பேச்சில்லாமல் எல்லாம் ஆத்ம தத்துவமாகச் சொல்லியிருக்கிறது.

* இங்கே திருவள்ளுவரை எடுத்துக்கொண்டால் அவர் தெய்வம், தத்வம் இவற்றைப் பற்றி வைதீக சம்பிரதாயப்படியே சொல்லியிருந்தாலும், அதைவிட ரொம்ப அதிகமாகத் தர்மங்கள், நன்னெரிகள் (Morals, Ethics) இவற்றையே சொல்கிறார்.

* இன்னொரு பக்கம் திருமூலரைப் பார்த்தால், அங்கே ஸ்வாமி பக்தி என்பதைவிட பிராணாயாமம், த்யானம், தாரணை, சமாதி போன்ற யோக சமாச்சாரங்கள் தான் நிறைய வருகின்றன.

* "இப்படி ஒவ்வொன்றும் ஒவ்வொன்றைச் சொன்னால் எதை எடுத்துக் கொள்வது?" என்றால் எதை எடுத்துக் கொண்டாலும் தப்பில்லை என தான் நான் சொல்வேன்.

* நாம் எடுத்துக்கொண்டதை நடுவிலே விடாமல், அதையே நம்பிக்கையோடு பிடித்துக்கொண்டு போய்க்கொண்டே இருந்தால் முடிவில் எது பரமார்த்த சத்யமோ அதையே அடைந்து விடுவோம். ஆரம்பத்தில் இவை வேறு வேறு வழிகளாகத் தோன்றினாலும், முடிவில் எல்லாம் கொண்டு சேர்க்கிற இடம் ஒன்று தான்.

"தேவர் குறளும் திருநான் மறைமுடிவும்

மூவர் தமிழும் முனிமொழியும் - கோவை

திருவா சகமும் திருமூலர் சொல்லும்

ஒருவா சகமென் றுணர்."