Adhyatama ramayanam Ayodhya kandam part 6 in tamil

Courtesy: Smt.Dr.Saroja Ramanujam

அத்யாத்ம ராமாயணம்- அயோத்யாகாண்டம்-

அத்தியாயம் 6

ராமன் தரையில் படுத்து உறங்குவதைப் பார்த்த குஹன் வருந்தி கைகேயியையும் மந்தரைரையும் நிந்திக்க அதற்கு லக்ஷ்மணன் அது விதியின் செயல் என்றும் அதற்காக யாரையும் கஉறை கூறிப் பயனில்லை என்றும் விவேகம் உள்ளவர் நல்லதையும் தீயதையும் ஒன்றாகவே கருதுவர் என்றும் கூறுகிறான். மற்ற ராமாயணங்களில் காணப்படுவதை விட இங்கு லக்ஷ்மணனை வேறாகக் காண்கிறோம். இது ராமன் கூறிய அறிவுரையின் பயன் என்று கருதலாம்.

அடுத்த நாள் கங்கையைக் கடக்கும் பொருட்டு குஹனை ஓடம் கொண்டுவரச் சொல்லி தானும் உடன் வருவதாக்க் கூறிய குஹனிடம் 14 வருடங்களுக்குப் பிறகு சந்திக்கலாம் என்று கூறி ராமன் லக்ஷ்மணனுடனும் சீதையுடனும் பரத்வாஜர் ஆஸ்ரமம் சென்றான்.
பரத்வாஜர் ராமனை வரவேற்று தேவகாரியத்தை செய்து முடிக்கவே புவியில் வந்த பரம்பொருளான அவன் தரிசன்ம் அடிய்யப்பெற்ற்து தன் பாக்கியம் என்று கூறினார். அடுத்த நாள் பரத்வாஜர் அவர்களுடன் யமுனைக் கரையை அடைந்து விடை கொடுக்க அவர்கள் யமுனையைக் கடந்து வால்மீகியின் ஆஸ்ரமம் அடைந்தனர்.

வால்மீகியிடம் ராமன் தங்களுக்கு வசிக்க ஏற்ற இடத்தைக் காட்டும்படி கேட்க அதற்கு அவர் கூறிய பதில் அத்யாத்ம ராமாயணத்தில் பின்வருமாறு:

"ஸ்ரீமந்நாராயணனாகிய உமக்கு இந்த உலகமே இருப்பிடம். நீயே உலகத்தின் இருப்பிடம். ஆயினும் சிறந்த இடம் ஒன்று கேட்பாயானால் அது உன் பக்தர்களின் இதயமே.
உன் நாமசங்கீர்த்தனம் செய்வோர் பற்றை ஒழித்து சுக துக்கம் காமக்ரோதம் இவை இன்றி எவர் பொன்னையும் ஓட்டாஞ்சல்லியையும் சமமாக பாவிப்போர் உலகமே மாயை என அறிந்து அழியும் உடல் பற்று இன்றி ஆத்மாவாக தம்மை அறிந்து பரமாத்மாவான உன்னையும் அறிந்து உன் நினைவாகவே உள்ளனரோ அவர்களுடைய இதயத்தில் நீ சீதையுடன் நிரந்தரமாக வசிப்பாயாக."

பிறகு வால்மீகி இழிசெயல் புரிந்து வந்த தான் எவ்வாறு முனிவர்களின் உபதேசத்தின்படி ராமநாமத்தை உச்சரித்து ப்ரம்மரிஷியாக ஆனார் என்பதைக் கூறினார். அதன்பின் ராமனுக்கு சித்ரகூட மலைக்கும் கங்கை நதிக்கும் இடையில் உள்ள பகுதியை அவர்கலுடைய வாசஸ்தலமாக்க் கொள்ளலாம் என்று கூறினார்.

அங்கு ராமன் இந்திரன் ஸ்வர்கத்தில் இருப்பதே போல் சீதையுடனும் லக்ஷ்மணனுடனும் பரதன் வரும் வரை வசித்து வந்தார்.