Dhara- Sanskrit article

*🕉️ धरतीं मातरम् वन्दे 🚩🌹🙏*

    *🌳धरा कियती दानवती🌳*

🌍धरामातुः आदानं विहाय वयं किमपि दद्मः अस्यै ? 

🌎वसुधा आददाति अत्यल्पं हि तदपि आस्याः एव भवति। 

🌏परन्तु प्रतिददाति अधिकाधिकम् ।

🌱वृक्षारोपणं वयं कुर्मः। 

🌎तरुं च संवर्धयति भूमिः सततम्।

🌍द्रुमे पुष्पफलानि विकसन्ति फलन्ति च वसुधायाः कृपया हि ।

🌎कृषकः वपति अल्पबीजं क्षेत्रे परन्तु धरित्री प्रतिददाति अन्नराशिं महतीम् ।

🌏खनने अपि धातूः बहुमूल्यरत्नानि च प्रयच्छति रत्नगर्भा।

🌏धरा प्रददाति सर्वम् अस्मभ्यम् अतः अस्माकं माता वसुन्धरा ।

   *🙏धरायाः सहनशीलता औदार्यं च🙏*

निष्ठीवनं विष्ठा बहुविधं च मालिन्यं क्रियते धरायाम् । पावकोऽपि प्रज्वाल्यते जलं चापि निक्षिप्यते भूमौ । तथापि न किमपि वदति खनने च ददाति जलं जीवनम् । विस्फोटमपि क्रियते धरायां कियत् औदार्यं न कथ्यते । कदापि न क्रुध्यति सदा स्नेहमयं जीवनं यच्छति धराम्बा । 

   *🌹धरा पूजनीया मातृवत् सेवनीया 🌹*

वृक्षपादपानाम् आरोपणं स्वच्छता च धरासेवा अस्ति । वृक्षपादपाः सौन्दर्याभूषणानि सन्ति  विश्वम्भरायाः । स्वच्छीकृत्यं गोमयं लेपनीयं पुष्पमाल्यार्पणं च कर्तव्यम् । सज्जीकरणीया वन्दनीया धरा मातृसमा पूजनीया चास्ति । 

🌹यथा मात्रे तथैव धरायै वयं किमपि दातुं न समर्थाः स्मः ।

अवनिप्रदत्तवस्तूनि संरक्षणीयानि सदुपयुज्यानि च।  

       🙏 जयतु अवनिः अम्बा 🌹🙏

*जयतु   संस्कृतम्||जयतु   भारतम्||🚩*