Brahmasri Balaji bhagavatar's unique pundareekam

Courtesy:Sri.R.Nagarajan

பாலாஜி பாகவதர்

1986-88 ஆண்டுகளில் நான் சென்னை பட்டினப்பாக்கம் பகுதியில் RSS ஷாகா நடத்தி வந்தேன். அதில் கலந்து கொண்டவர்களில் அப்பகுதியைச் சேர்ந்த பாலாஜியும் ஒருவர். ஒரு தனியார் கம்பனியில் வேலை பார்த்துக் கொண்டிருந்தார். பாடுவதில் ஆர்வம் கொண்டவர். 1990க்குப் பிறகு தொடர்பு விட்டுப்போய் விட்டது.

அவர் குடும்பத்தில் அனைவரும் ஸ்ரீ ஞானானந்தா மண்டலியில் அங்கத்தினர்கள். ஸ்ரீ ஹரிதாஸ் கிரி சுவாமிகளிடம் மிகுந்த ஈடுபாடு கொண்டவர்கள். (ஸ்ரீ ஹரிதாஸ் கிரி சுவாமிகள் ராம ஜன்ம பூமி இயக்கத்தில் ஈடுபட்டவர்).

ஐந்து ஆண்டுகளுக்கு முன்புதான் ஸ்ரீ பாலாஜியின் தற்போதைய நிலைமையைப் பற்றித் தெரிந்து கொண்டேன். ஸ்ரீ பாலாஜி முறைப்படி பயிற்சி பெற்று இந்த மண்டலியில் தீட்சை பெற்றுக்கொண்டார். தஞ்சாவூர் திருவிடைமருதூர் தாலுக்காவில் கோவிந்தபுரத்தில் சத்குரு ஸ்ரீ ஞானானந்தா பாதுகா மண்டபம் அமைத்து சத்சங்கப் பணியையும் பிற சமூக வேலைகளையும் ஸ்ரீ பாலாஜி பாகவதர் செய்து கொண்டு வருகிறார்.

முப்பது ஆண்டுகளுக்குப் பிறகு ஐந்து மாதங்களுக்கு முன் ஸ்ரீ பாலாஜி பாகவதருடன் அலைபேசியில் தொடர்பு கொண்டேன். பரஸ்பர அறிமுகம் முடிந்தவுடன் ஸ்ரீ பாலாஜி பாகவதர் "ஜி, ஷாகாவில் நாம் பாடிய 'கண்ணா உன் சன்னிதியில் நானும் இடம் பெற வேண்டும்' பாடலை என்னுடைய சத்சங்க நிகழ்ச்சிகளில் தேவைப்படும்போதெல்லாம் பாடி வருகிறேன். நம்முடைய நாட்கள் மறக்க முடியாதவை" என்று கூறினார்.

நேற்று ஸ்ரீ பாலாஜி பாகவதரின் சத்சங்க நிகழ்ச்சிக்குச் சென்றிருந்தேன். ஒரு பள்ளிக்கூடத்தில் மாணவர்களுக்காக நடத்தப்பட்ட நிகழ்ச்சி. ஆரம்பத்தில் கடவுள் நாமங்களைச் சொல்லி "ஜே" என்று கூறும்பொழுது "பாரத் மாதா கீ ஜே" என்பதையும் கூறினார். அனைவரும் சேர்ந்து கூறினோம்.

சத்சங்கத்தின் இடையிடையே தேசப்பற்று, நாட்டின் பெருமை போன்ற விஷயங்களையும் கூறியது மனதிற்கு நிறைவாக இருந்தது. ஷாகாவின் பிரதிபலிப்பு அன்றி வேறென்ன இருக்க முடியும்?

பாரத் மாதா கீ ஜே