Thiruvalluvar is a HINDU

🍇🍇🍇🍇

திருக்குறளில் #வேத இதிகாச புராணச்செய்திகள்.

1)ஐந்துஅவித்தான் ஆற்றல் அகல்விசும்பு உளார்கோமான்,

இந்திரனே சாலும் கரி.

ஐந்து புலன்களையும் அடக்கி, ஆசைகளை ஒழித்தவனுடைய வலிமைக்கு தேவலோகத்தில் உள்ள இந்திரனே ( இந்திரபதவியே) சாட்சி.

 இக்குறளில், இந்திரன் - வெள்ளை யானை - துர்வாசமுனிவர் - மாலை - சாபம் - தவமிருந்து இந்திரபதவியை பெற்ற புராணச் செய்தி கூறப்படுகின்றது. 

 2)மடியிலா மன்னவன் எய்தும் அடி அளந்தான்,

தாஅயது எல்லாம் ஒருங்கு.

 சோம்பல் இல்லாத அரசன், மஹாவிஷ்ணுவால் ஒரே அடியால் அளக்கப்பட்டதாகிய இவ்வுலகம் முழுவதையும் சுலபமாகப் பெறலாகும்.

 இக்குறளில் திருமாலின் வாமன அவதாரமும் மாபலி சக்கரவர்த்தி பற்றிய புராணச் செய்தியும் அடங்கியுள்ளது.

3)கூற்றம் குதித்தலும் கைகூடும், நோற்றலின்,

ஆற்றல் தலைப்பட்ட வர்க்கு. 

தவம் செய்வதாகிய வல்லமையில் ஈடுபட்டவர்க்கு எமனிடத்தில் இருந்து தப்பித்துக் கொள்ளும் காரியமும் கைகூடும்.

 இக்குறளில் எமனுடைய தண்டனை,  அதில் இருந்து தப்பிக்கும் தவவலிமை போற்றப்படுகின்றது.

4) கூற்றுத்தைக் கையால் விளித்து அற்றால் ஆற்றுவார்க்கு,

ஆற்றாதார் இன்னா செயல்.

திறமையுடன் காரியங்களை செய்து முடிக்கக் கூடியவர்களுக்கு, அத்திறமை இல்லாதவர் துன்பம் செய்வது, எமனைத் தானே அழைப்பது போல் ஆகும்.

 இக்குறளில் இந்து தர்ம சாஸ்திரத்தில் உள்ள எமனுடைய நீதி பற்றி கூறப்பட்டுள்ளது.

5)அவ்வித்து அழுக்காறு உடையானைச் செய்பவன்,

தவ்வையை காட்டி விடும்.

 பிறர் செல்வத்தைக் கண்டு பொறாமை கொள்பவரை விட்டு திருமகள் என்ற லக்ஷ்மி விலகி தனது தமக்கையாகிய மூதேவியை அனுப்பிவிடுவாள்.

 இக்குறளில் தர்ம சாஸ்திரம் கூறும் லட்சுமி,  மூதேவி பற்றி கூறப்படுகின்றது. 

6)மடிஉளான் மாமுகடி என்ப மடியிலான்

தாள் உளாள் தாமரையினாள்.

 சோம்பல் இல்லாதவனுடைய முயற்சி காரணமாக அவனிடம் லட்சுமி வாசம் புரிவாள். மூதேவி சோம்பேறிகளிடம் குடி இருப்பாள்.

 தாமரையினாள் - என்பது லட்சுமியை குறிப்பது.

7) கொல்லாமை மேற்கொண்டு ஒழுகுவான் வாழ்நாள்மேல்,

செல்லாது உயிர் உண்ணும் கூற்று.

 கொல்லாமை என்ற விரதத்தை பின்பற்றி வாழ்கின்றவனுடைய,  ஆயுள் மீது கணக்கு வைத்து உயிரைக் கவர்வதற்க்காக எமன் விரைவாக வரமாட்டான்.

 இக்குறளில் இந்துக்களின் எமன் பற்றிய புராண நம்பிக்கை வெளிப்படுகின்றது.

8)தாம்வீழ்வார் மென்தோள் துயிலின் இனிதுகொல்,

தாமரைக் கண்ணான் உலகு.

தாம் விரும்பும் பெண்களின் மெல்லிய தோள்களின் மெல்ல சாய்ந்து தூங்குவதற்க்கு ஈடாக விஷ்ணு லோகம் சுகந்தருமா ? என்கிறார்.

இஃது காமத்துப்பாலில் உள்ள குறளாகும். சிற்றின்பத்தை பெரிதாக பேசுவது நமது வாழ்வில் விருப்பத்தோடு செயல்பட ஊக்குவிக்க மட்டுமே... மற்றபடி இக்குறளில் திருப்பாற்கடலில் விஷ்ணுலோகம் உள்ளதையும் அங்கு செல்வோர் நித்யசூரிகளாக சுகம் பெறுவர் என்பதையும் மறைமுகமாக திருவள்ளுவர் கூறுகிறார்.

ஆக திருவள்ளுவர் இந்துசமய தெய்வங்களை கும்பிட்டவரே என்பது தெளிவு.