Where are you?- Sanskrit joke

😀 किञ्चित् हसामः 😀

एकदा महेशः तस्य मित्रस्य रमेशस्य गृहं गतवान्। पिपासितेन तेन पृष्टं, "जलं कुत्रास्ति"?
रमेशः- (परिहासं कुर्वन्) घटे!
महेशः- घटः कुत्रास्ति?
 
"पाकशालायाम्"।
"पाकशाला कुत्रास्ति?"
"गृहे।"
"गृहं कुत्रास्ति?"
"ग्रामे।"
"ग्रामः कुत्रास्ति?"
"तालुकायाम्।" ( हिन्द्यां "तहसील्"इति)
"तालुका" कुत्रास्ति?"
"जिलायाम्।"(in district)
"जिला कुत्रास्ति?"
"राज्ये।"
"राज्यं" कुत्रास्ति?"
"भारतदेशे।"
"भारतदेशः कुत्रास्ति?"
"एशियाखण्डे।"
"एशियाखण्डः कुत्रास्ति?"
"पृथिव्याम्।"
 "पृथ्वीः कुत्रास्ति।"
"जले।"
"जलं कुत्रास्ति?"
"घटे।"
"अरे! केवलं एकचषकपरिमितस्य जलस्य कृते त्वया सम्पूर्णंपृथ्व्याः परिभ्रमणं कारितम्!" हास्यमिश्रितेन क्रोधेन महेशेनोक्तम्।😀😀
                     
                    -देवा बुधेलिया