Bhadrachalam - how to go & come from Chennai?

பத்ராசலம் செல்லும் வழி

சென்னையில் இருந்து இரவு 10 மணிக்கு டெல்லிக்கு செல்லும் தமிழ்நாடு எக்ஸ்பிரஸில் ஏறி மறுநாள் காலை 04.10க்கு விஜயவாடாவில் இறங்கிக் கொள்ளவும். அங்கு உடைமைகளை பாதுகாக்கும் அறையில் உங்கள் உடைமைகளை வைத்து தேவையானவற்றை மட்டும் எடுத்து செல்லவும். ஆட்டோ பிடித்து அருகில் இருக்கும் மங்களகிரி பானகநரஸிம்மரை தரிசிக்கவும். 9 மணிக்குள் பானக நரஸிம்மரை தரிசித்துவிட்டு ஆட்டோ பிடித்து கனகதுர்கா ஆலயம் செல்லவும்.

கொஞ்சம் படி ஏறி கனகதுர்காவை தரிசிக்கவும். கூட்டமாக இருந்தால் சற்று நேரமாகும். இல்லையென்றால் உடனே தரிசிக்கலாம். மீண்டும் பேருந்து நிலையம் வந்து உணவருந்தி விட்டு பத்ராசலம் செல்லும் பேருந்தை பிடித்து பத்ராசலம் சென்று விடலாம். ஒருமணி நேரத்துக்கு ஒரு பேருந்து. பத்ராசலம் செல்வதற்கு குறைந்த பட்சம் நான்கு மணி நேரமாவது ஆகும்.

11 மணிக்கு பஸ் ஏறினால் 3 மணிக்கெல்லாம் பத்ராசலத்தில் இறங்கிடலாம். நேராக கோதாவரி சென்று (முடிந்தால் ஸ்நானம் செய்யலாம்) நமஸ்கரித்து விட்டு நான்கு மணிக்கு ஸ்ரீராமச்சந்திரமூர்த்தியை தரிசித்து விடலாம். பர்ணசாலைக்கு அந்தி சாயும் நேரத்தில் செல்வது உசிதமில்லை. அதனால் அங்கு தங்கிக் கொண்டு மறுநாள் பர்ணசாலைக்கு செல்லலாம். இல்லையென்றால் 7 மணிக்கெல்லாம் மீண்டும் விஜயவாடா பேருந்தில் ஏறி விஜயவாடா சென்று விடலாம். பதினோரு மணிக்கு விஜயவாடா சென்று அடையலாம். ஒரு மணிக்கு சார்மினார் விரைவு வண்டியில் ஏறி மறுநாள் காலை 8.15 மணி அளவில் சென்னையை அடையலாம்.

இது மிகவும் சுலபமானது. கூட்டத்தை பொறுத்து நீங்கள் முடிவு பண்ணிக்கணும்.