श्रीराधादामोदरध्यानम्
******
(१)
विश्वब्रह्माण्डकान्तौ सुरमुनिविनुतौ पापतापादिनिघ्नौ
ब्रह्मानन्दस्वरूपौ निखिलजनपती सर्वजीवस्य बन्धू।
मोक्षस्थानाधिनाथौ शमनभयहरौ गोपगोपीप्रपूज्यौ
राधादामोदरौ तौ भजकसुखकरौ रक्षतां नौमि नित्यम्।।
(२)
वृन्दारण्यस्य सारौ नटगुणभरितौ गोपदेशस्य चन्द्रौ
कालिन्दीतोयलीलौ नवरसरसितौ रासलीलाप्रवीणौ।
नानाक्रीडातिदक्षौ निधुवनरसिकौ कुञ्जपुञ्जश्रितौ यौ
राधादामोदरौ तौ भजकसुखकरौ रक्षतां नौमि नित्यम्।।
(व्रजकिशोरः)
No comments:
Post a Comment