Friday, April 13, 2018

Making a new resolution - Sanskrit

कृत्वा नव दृढसंकल्पम्।
--------------------------------

कृत्वा नव दृढसंकल्पम्         
वितरन्तो नवसंदेशम्        
घटयामो नवसङ्घटनम्     
रचयामो नवमितिहासम् || धृ ||

नवमन्वन्तरशिल्पिन:            राष्ट्रसमुन्नतिकाङ्क्षिण:।     
त्यागधना: कार्यैकरताः       
कृतिनिपुणा वयमविषण्णा: || १ ||
कृत्वा नवदृढसंकल्पम्.... || धृ ||

भेदभावनां निरासयन्त:         
दीनदरिद्रान् समुद्धरन्त:।    
दु:खवितप्तान् समाश्वसन्त: 
कृतसंकल्पान् सदा स्मरन्त: || २ ||
कृत्वा नव दृढसंकल्पम्.... || धृ ||

प्रगतिपथान्नहि विचलेम      
परम्परां संरक्षेम |             
समोत्साहिनो निरुद्वेगिनो 
नित्यनिरन्तरगतिशीला: || ३ ||
कृत्वा नवदृढसंकल्पम्.... || धृ ||

No comments:

Post a Comment