Guru -Sanskrit story

Courtesy:Smt.Baala Chiraavoori

🌸 गुरुदर्शनम्🙏

*अज्ञानान्धस्यलोकस्य ज्ञानाञ्जनशलाकया।* 

 *चक्षुरुन्मीलितं येन तस्मै श्रीगुरवे नमः।।*

   अज्ञाननान्धकारे स्थिताय मनोवाक्कायकर्मभिः स्वाश्रिताय शिष्याय  ज्ञानोपदेशेन तस्य बुद्धेः जाड्यं अपनीय आत्मदर्शनं करयति सद्गुरवः। 

लोके बहवः गुरवः स्वकीयैः वचोकर्मभिः अस्मभ्यं सन्मार्गं दिशन्ति। तेन वयं उत्तमव्यक्तित्वं प्राप्स्यामः। 

भगवान् अस्मदनुग्रहाय सद्गुरुं प्रेरयित्वा अस्मान् अनुगृह्णाति। सद्गुरुः जननमरणरूपसंसारचक्रात् विमोचयति। सद्गुरकटाक्षेण क्षणमात्रे एव सकलविद्याः करतलामलकाः भवन्ति। किन्तु तस्मिन् गुरवे परिपूर्णलक्ष्यमावश्कमस्ति। सद्गुरुः शिष्याय उन्नतिं प्रसादयितुं भृशं परीक्षति। तत्र शिष्यस्य क्षमा आवश्यकी भवति। 

काशीखण्डे सद्गुरोः कटाक्षं वर्णयन् एका कथा प्रस्ताविता। एकः गुररस्ति । सः सकलविद्यापारङ्गतः, आत्मज्ञानसम्पन्नोऽपि। एकदा सर्वज्ञः सः सम्यक् विचार्य शिष्यान् आहूय- "अस्मिन् जन्मन्येव सकलपापान् अनुभूयते चेत् पुनः जन्म न प्राप्स्यामि । 

"पूर्वजन्मकृतंपापं व्याधिरूपेण पीडितः।"

पापानि व्याधिरूपेण भवन्ति। अतः अहं कुष्टव्याधिं संप्राप्य काश्यां निवसिष्यामि। मत्सेवार्थं कोऽपि आगच्छतु " इति अपृच्छत्। व्याधिग्रस्तं मनुष्यं सेवितुः को वा इच्छति? शिष्याः नेच्छन्ति। किन्तु तेषु दीपक इति शिष्यः तं अङ्गीकृत्य वारणाश्यां निवासार्थं,तस्य सेवार्थं गुरुमनुगच्छति। कुष्टव्याधिग्रस्थः गुरुः अनुक्षणमपि तं दीपकं स्वकटुवचनैः बाधयति, रुष्टत्वात् कदाचित् ताडयति च। स दीपकःसर्वमपि सहित्वा गुरुरेव साक्षात् परंब्रह्मा इति त्रिकरणशुद्ध्या मत्वा , भिक्षाटनं कृत्वा तस्मै गुरवे भोजयित्वा अवशिष्टान्नमेव भुङ्क्त्वा , रोगपीडोपशमनार्थं औषधलेपनादीन् विधाय अनवरतं निद्राहारान् विसृज्य गुरुं सेवयति।

तस्य गुरुभक्तिं दृष्ट्वा साक्षात् काशीविश्वनाथैव  तस्मै दर्शनार्थं आगत्य तं आह्वयत्। किन्तु स दीपकः गुरुरेव मत्सर्वस्वमिति, तं विसृज्य न आगच्छामि इत्यवोचत्। तस्य वचनं ईश्वरात् श्रुत्वा विष्णुरपि दर्शनं प्रदातुं अगमत्। स दीपकः तदेव वचनमब्रवीत्। एतद्वृत्तान्तं सर्वमपि संवीक्ष्य, दीपकस्य अनन्यभावयुक्तगुरुभक्तिं दृष्ट्वा गुरुः अत्यन्तं तोषयित्वा तस्मै अनुग्रहमात्रेणैव सकलविद्याः बोधयामास। विष्णुः  श्रीकृष्णजन्मनि स्वगुरुरिव भवतादिति दीपकं प्रार्थितवान्। स एव 'सान्दीपनि' रूपेण जगद्गुरवे श्रीकृष्णाय विद्यां अध्यापयितवान्। 

ऐहिकामुष्मिकाणि सर्वाण्यपि गुरुकटाक्षेणैव सिद्ध्यन्ते।

श्रीशंकरभगद्पादाः मोहमुद्गरे तदेवोद्घोषितवन्तः-

 *गुरुचरणाम्बुज निर्भरभक्तः* 

  *संसारादचिराद्भवमुक्तः।* 

 *सेन्द्रियमानसनियमादेवं* 

  *द्रक्ष्यसि निजहृदयस्थं देवम्।।*

     

     🙏🙌सर्वं श्रीगुरुचरणार्पणमस्तु।🌻🌻

            बाला...✍