Thirunallur temple

🌺திருநல்லூர் பெருமணம்  – திருக்கல்யாணம் - நாளை:-

💐ஸ்ரீ தோத்திரப் பூரணாம்பிகா சமேத ஸ்ரீ திருஞானசம்பந்தப் பெருமான் திருக்கல்யாணம்.

திருமண நாளின் முன் ஏழா நாளிலே இயங்கள் முழங்கங் பாலிகைகளில் புனித முளை பூரித்தனர். மாடங்கள்விளக்கினர். பந்தர்கள் தோரணங்கள் நிரைத்தனர். ஆகுதிப் புகையும் அகிற்புகையும் விம்மி எழுந்தன. பண்ட சாலைகள் பலவேறு விதம் பயின்றன. 

மறை விதிச் சடங்கின் உபகரணங்களும் குங்குமக் கூட்டும் சாந்தும் பொற்சுண்ணமும் அமைத்தனர். புண்ணிய நீர்க கலசங்கள் தாபித்தனர். 

திருநீலநக்கர், நம் பெருமான் பாதம் பொருந்தும் உள்ளதோடு மறைவழி விதித்த வேள்விச் சடங்குகளைச் செய்தனர். 

மறை ஒலியுடன் மங்கலவாழ்த்தும் பெருக மணமகளின் கைப்பிடித்துப் பொரியட்டி மந்திர வேள்வித்தீயினை வலம்வரும் சடங்கு செய்வதற்காக அம்மையார் திருக்கையினைப் பிள்ளையார் பற்றி எழுந்தபோது, 

🌷"நாம் விரும்பும் எரி யாவார் சிவபெருமானே" என்று திருவுள்ளத்திற் கொண்டு, "இந்த இல்வாழ்க்கை வந்து சூழ்ந்து விட்டதே; 

இவளோடும் சிவன்றிருவடி சேர்வன்" என்ற ஆசை மேற் பொங்கத், திருக்கோயிலையடைந்தனர். தொண்டரும் உடன் சூழ்ந்தனர். 

🌺அளவுபடாத மெய்ஞ்ஞானத்தின் எல்லையினை அடையும் குறிப்புடன் உலகமெங்கு நின்று நீங்கச் சிவனுடனாகஎழுந்தருளுங் குறிப்னினாலே "பவமற என்னை முன்னாள் ஆண்ட என்ற கருத்துடன் "கல்லூர்ப் பெருமணம்!" என்று தொடங்கி "நல்லூரில் மேவும் நம்பனே உன் பாதம்சேரும் பருவமிது" என்று திருப்பதிகம் பாடியருளினார். 

👉🏽சிவபொருமான் திருவருள் செய்து "நீயும் பூவைபோன்ற உன் மனைவியும் உனது புண்ணியத் திருமணத்தில் வந்தார் யாவரும் எனது சோதியினுள் வந்து எய்துங்கள்" என்றருளி, அத்திருக்கோயிலுட்பட மேலோங்கும்படி மூவுலகமும் ஒளியால் விளங்க முழுச் சுடர்த் தாணுவாகி, அதனுள் ஒருவாயிலும் வகுத்தருளினர்; 

🌹பிள்ளையார் உலகமுய்யும் வழியினை அருள்வாராகி "எவர்க்கும் ஞானமெய் நெறியாவது நமச்சிவாயச் சொல்லே யாகும்" என்று, "காதலாகி" என்ற நமச்சிவாயத் திருப்பதிகத்தை வானமும் நிலமும் கேட்க அருளிச்செய்து, 

👉🏽இத்திருமணத்தில் வந்தோர் "யாவரும் பிறவிதீரப் புகுக" என்றருளினர். 

எல்லையில்லாத பிறவிகளாகிய வெள்ளத்தில் வரம்புகாணாது அழுந்தி உடம்பென்னும் துன்பக் கூட்டினுள் உய்யும் உணர்வின்றி மயங்குவார்கள் அச்சோதியில், 

🌻திருநீலநக்கர், 

🌺திருமுருகநாயனார்,

💐திருநீலகண்ட யாழ்ப்பாண நாயனார்

மற்றேனையோரும் சூழத் தத்தம் மனைவிகளுடனே உட் புகுந்தனர். 

சிவிகை முதலிய அணிதாங்கிச் சென்றோரும், 

பணிகள் பலவும் செய்தோரும், 

கும்பிட வந்தணைந்தவர்களும், 

ஒரு தொடர்புமன்றி வேறு திருவருளினாலே வீடுபெற வந்தார்களுமாகிய எல்லாரும் சோதியினுட் புகுந்தனர். 

அதன்பின், திருஞானசம்பந்தர் காதலியைக் கைப்பற்றிக்கொண்டு அச் சிவச்சோதியை வலம் பின் அச்சோதி வழி கரந்தது; 

பெருஞ் சோதியும் அடங்கிச் சிவனது பழைய மணக்கோயில் தோன்றியது. 

🌼உலகில் இப்பேறு பெறாதவர்கள் தெருமந்து வருந்தினார்கள். தூரத்தே கண்ட பிரமன் முதலாகிய தேவர்கள் முதலியோர் துன்ப நீங்கத் துதித்தனர்.

🌱திருத்தொண்டர் புராணம் - சிவக்கவிமணி - திரு.C.K. சுப்பிரமணிய முதலியார் உரை

👉🏽திருஞானசம்பந்தப் பெருமான்,திருநீலநக்கர்,முருகநாயனார்,திருநீலகண்ட யாழ்ப்பாண நாயனார் குருபூஜை நாள் - வைகாசி - மூலம்

🍀அமைவிடம்:

இத்தலம் சிதம்பரம் - சீர்காழி சாலையில், கொள்ளிடத்திலிருந்து 8-கி.மீ. தொலைவில் உள்ளது