Rudraksha dhaarana vidhi - Procedure in tamil

*ருத்ராக்ஷ தாரண விதி* !!!

*இந்த விதியானது மிகச்சிறந்த மஹான் தவ யோகி மந்திர சக்தி களில் வல்லமை பெற்ற ஞானி மற்றும் அவர் பல அற்புதங்களை செய்து காண்பித்த* *சாஸ்த்ர பண்டிதர்  அடையபுலம் ஸ்ரீ அப்பைய தீக்ஷிதர் எழுதிய சிவார்ச்சன சந்திரிகை என்னும்  நூலில்  கூறியதில் ஒரு பகுதியை தான் கீழே கொடுத்துள்ளேன் !*  

*உருத்திராக்கதாரணமும் விபூதி தாரணம் போலச் சிவ பூசையில் எப்பொழுதுந் தரிக்கவேண்டும்.*

சிரசு, கழுத்து, காது, புயம், மணிக்கட்டு, மார்பு என்னுமிந்தத் தானங்களில் அங்கங்களினளவுக்கு உரியதான எண்ணிக்கையுடன் கூடிய உரத்திராக் கத்தைத் தரிக்க வேண்டும்.

அல்லது சிரசில் நாற்பது, கழுத்தில் முப்பத்திரண்டு, காதுகளில் தனித்தனி ஆறு, கைகளில் தனித்தனி பதினாறு, மணிக்கட்டுகளில் தனித்தனி பன்னி ரண்டு, மார்பில் நூற்றெட்டு இவ்வாறு *இருநூற்று நாற்பத்தெட்டு உருத்திராக்கங்களைத் தரிக்கலாம்.* சிகையில் ஒன்று சேர்த்துத் தரிக்கலாம்.

சிகையில் ஒன்று, சிரசில் முப்பத்தாறு, மார்பில் ஐம்பது, பூணூலில் நுற்றெட்டு, கழுத்து, காது, புயம், மணிக்கட்டு என்னும் இவைகளில் முன்போல் முறையே முப்பத்திரண்டு, பண்ணி ரண்டு, முப்பத்திரண்ட, இருபத்து நான்கு ஆக நூறு. இவ்வாறு *இருநூற்றுத்தொண்ணூற்றைந்து உருத்திராக்கங்கள் தரிக்கலாம்.*

சிரசில் நூற்றெட்டு, நாபிவரை நூற்றெட்டெண்ணுடைய மூன்று மாலைகள், கழுத்து, காது, மார்பு, புயம், மணிக்கட்டு என்னுமிவைகளில் முன்போல் நூற்றைம்பது, *இவ்வாறு ஐந்நூற்று எண்பத்திரண்டு உருத்திராக்கங்கள் தரிக்கலாம்.*

அல்லது கிடைத்ததற்குத் தக்கவாறு தரிக்கலாம். வைரம், மாணிக்கம், வைடூரியம், பவளம், நல்முத்து என்னும் *பஞ்சரத்தினங்களுடன் கூடிய உருத்திராக்க தாரணமானது சுரம், பைசாசம், மேகம், குட்டம், பகந்தரம், குழந்தையை அபகரித்தல் ஊண்டான தோஷமாகிய அபஸ்மார மென்னும் இவைகளை நிவிருத்தி செய்யும்.*

மகுடம், குண்டலம், காதணி, கேயூரம், கடகம், ஒட்டியாணம் என்னும் இவைகளில் உருத்திராக்கத்தைத் தரித்தால் *அபமிருத்துவை நாசஞ் செய்யும்.*

மற்ற இடங்களில் தரித்தால் ஆயுள் *சம்பத்து கீர்த்தி என்னுமிவைகளை விருத்திசெய்யும்.*

*சிகையில் தரித்தால் கோடி மடங்கு பலன் உண்டு.* *காதுகள், கழுத்து, புயம் என்னுமிவைகளில் தரித்தால் முறையே ஒன்றற்கொண்டு பன்மடங்க திகமான பலத்தைச் செய்யும். கைகளில் தரித்தால் அளவற்ற பலத்தைச் செய்யும்.*

ஒரு முகமுடைய உருத்திராக்கத்தைச் சிகையில் மறைத்துத்தரித்தால் பிராமணக்கொலை *செய்த தோஷமும், ஆயுதம், அக்கினி, திருடர், மழை என்னுமிவைகளால் உண்டான பெரிதான அச்சங்களும் நீங்கும்;*

*ஆயுள்கீர்த்தி, சம்பத்து என்னும் இவைகளை விருத்திபண்ணும். போக மோக்ஷங்களைக்கொடுக்கும்; எல்லாச் சித்திகளும் உண்டாகும்.*

*இரண்டு முகமுடைய உருத்திராக் கத்தைத் தரித்தால் பசுக்கொலை யால் உண்டான தோஷத்தை நீக்கும்.*

*மூன்று முகமுடைய உருத்திராக் கத்தைத் தரித்தால் பெண்ணைக் கொன்றதனாலுண்டான தோஷம் நீக்கும்.*

நான்கு முகமுடைய உருத்திராக் கத்தைத் தரித்தால் புணருவதற்கு உரிமையில்லாத பெண்களைப் புணர்ந்த தோஷமும், தின்னுதற்கு உரிமையில்லாத பண்டங்களைத் தின்னுதலா லுண்டான தோஷமும் முதலிய தோஷங்களை நீக்கும்.

*ஐந்து முகமுடைய உருத்திராக் கத்தைத் தரித்தால் எல்லாப் பாவங் களையும் நீக்கும்.*

ஆறு முகமுடைய உருத்திராக்கத்தை வலது கையில் தரித்தால் கர்ப்பத்தைக் கெடுத்த தோஷத்தை நீக்கும்.

ஏழு முகமுடைய உருத்ரி£க்கத்தைத் தரித்தால் சுவர்ணத்தைத் திருடியதால் உண்டான தோஷத்தையும், பசுவைக் கொன்றதனாலுண்டாம் தோஷத் தையும் நீக்கும், விடத்தையும் போக்கும்.

எட்டு முகமுடைய உருத்திராக்கத்தைத் தரித்தால் குருபத்தினியைப் புணர்ந்ததால் உண்டான தோஷத் தையும், வஞ்சகமாக தொழில் செய்ததனாலுண்டான தோஷத்தையும் நீக்கும்.

*ஒன்பது முகமுடைய உருத்திராக் கத்தை இடது கையில் தரித்தால் ஒரு லக்ஷங் கோடி மகா பாதகங் களை நீக்கும்.*

பத்து முகமுடைய உருத்திராக்கத்தைத் தரித்தால், பீடை, பிசாசம், வேதாளம், பிரமராக்ஷஸம், சர்ப்பம், சிங்கம், புலி என்னுமிவைகளாலுண்டான அச்சத்தை நீக்கும்.

*பதினொரு முகமுடைய உருத்திராக் கத்தைச் சிகையில் தரித்தால் ஆயிரம் அசுவமேதயாகம், நூறுவாஜபேயம், இலக்ஷங்கோடி தானம் என்னுமிவைகளாலுண்டான பலத்தைக் கொடுக்கும்.*

*பன்னிரு முகமுடைய உருத்திராக் கத்தைக் கழுத்தில் தரித்தால் மிகுந்த தக்ஷிணையுடன் செய்த கோமேதம் அசுவமேத மென்னும்* *இவைகளாலுண்டாம் பலனைக் கொடுக்கும்;*

ஐசுவரியத்தை விருத்தி செய்யும்; இகத்தில் பற்களையுடை மிருகங்கள், கொம்புள்ள மிருகங்கள், திருடர், அக்கினி என்னுமிவைகளாலுண்டாகும் அச்சத்தைப் போக்கும்; *எல்லாப் பாவங்களையும் நாசஞ் செய்யும்.*

*பதின்மூன்று முகமுடைய உருத்திராக்கத்தைத் தரித்தால்* சமானமில்லாத போகத்தைக் கொடுக்கும்; இரசவாதம், தாதுவாதம், குளிகை முதலிய சித்திகளை உண்டு பண்ணும்; *தந்தை, தாய், சகோதரர், பெண்கள் ஆகிய இவர்களைக் கொன்ற தோஷம் நீங்கும்.*

பதினான்கு முகமுடைய உருத்திராக் கத்தைத் தரித்தால் எல்லாக்காரிய சித்திகளையும் உண்டுபண்ணும்;

*எல்லா வியாதிகளையும் பாவங் களையும் போக்கும்; ஞானயோக சித்திகளை உண்டு பண்ணும்.*

*மரணஜனன சூதகங்கள், பெண்ணின் சேர்க்கை, மலஜலங்கழித்தல், புலால், பூண்டு, தேத்தாங்கொட்டை, முருங்கைக் கீரை, நறுவிலி என்னுமிவைகளை உண்ணுதல் இந்த காலங்களில்  சிரசு, புயம், கழுத்து, காது என்னுமிவை களைத் தவிர ஏனைய அங்கங்களில் உருத்திராக்கங்கள் தரிக்கலாகாது.*

*உருத்திராக்கத்தைக் கல்ப சூத்திரத்தில் கூறியவாறு தானஞ் செய்யின்* எல்லா வேதங்களையும், புராணங்களையும், அத்தியயனஞ் செய்ததனாலுண்டாம் பலனையும், எல்லா யாகங்களையும் தானங் களையும் செய்ததனாலுண்டாம்
பலனையும், எல்லாத் தீர்த்தங்களினுஞ் சென்று ஆடினதாலுண்டாம் பலனையும் கொடுக்கும்;

*எல்லா ரோகங்களையும் போக்கும்; நூறு இலிங்கங்களைத் தாபித்த தால் உண்டான  பலனையும் நூறு இலிங்கங்களைத் தானஞ் செய்த தால் உண்டாகும் பலனையும், ஆயிரம் சாளக் கிராமத்தைத் தானஞ் செய்ததால் உண்டான பலனையும், ஆயிரம் கன்னியா தானத்தின் பலனையும் கொடுக்கும்;*

புத்திரமித்திரருடன் கூடின சகல ஐசுவரிய போகங்களையும் கொடுக்கும்; *

*சிவ சாயுச்சியத்தை கொடுக்கும்.**

*இதுபோல் இந்தத்தானங்களை எந்தச் சிவபக்தன் ஏற்றுக்கொள்ளு கின்றானோ, அந்தச் சிவ பக்தனுக்கும் இவ்வளவு பலன்களும் உண்டு.*

பௌர்ணமி, அமாவாசை, சங்க்ராந்தி, (உபராகம்) கிரகணம், ஜன்ம நக்ஷத்திரம் முதலிய *புண்ணிய தினங்களில் உருத்திராக்க தாரணஞ் செய்யின் எல்லாப் பாவங்களையும் விலக்கும்.*

பூஜாகாலத்தில் உருத்திராக்கத்தைச் சிரசில் ஈசான மந்திரத்தாலும்,

காதுகளில் தத்புருட மந்திரத்தாலும்,

கழுத்து முதலிய தானங்களில் அகோர மந்திரத்தாலும், மார்பில் வியோம வியாபி மந்திரத்தாலும் தரிக்க வேண்டும்.

உருத்திராக்கதாரண முறை முடிந்தது.

*M.S.RAMESH SALEM  8754197040*