Glory of naama - HH Bharati Teertha Mahaswamigal

*ஸ்ரீ பாரதீ தீர்த்த மஹாஸ்வாமிகளின் அருளுரைகள்* 

                     *நாம மஹிமை*

இன்னொரு சுலோகத்தில் ஸ்ரீ சங்கரர்,

 நாராயண கருணாமய சரணம் கரவாணீ தாவகெள சரணெள I

 இதி ஷட்பதீ மதீயே வதனஸரோஜே ஸதா வஸது II

என்று கூறினார். "ஓ நாராயணா, கருணை பொருந்தியவனே! நீயே எனக்கு எப்போதும் அடைக்கலம், எனது நா எப்போதும் இந்த ஆறு வார்த்தைகள் உச்சரித்துக் கொண்டிருக்கட்டும்".

அந்த ஆறு பதங்கள்: நாராயண கருணாமய சரணம்

    கரவாணி தாவகெள சரணெள

இன்னொரு சுவாரஸ்யமான சுலோகம், காட்டில் வேடர்கள் பின்வரும் சுலோகத்தைச் சொல்லிக் கொண்டிருப்பார்களாம்.

 வனே சராமோ வஸுசாஹராமோ நதீஸ்தராமோ ந பயம் ஸ்மராம: I

 இதீரயந்தோ வீபினே கிராதா முக்திம் கதா ராமபதானுஷங்காத் II

இதன் பொருள் என்னவென்று பார்ப்போம்.

 வனே சராம: : காட்டில் சுற்றுவோம்

 வஸுசாஹராம: : பணம் கொண்டுவருவோம்

 நதீஸ்தராம: : நதிகள் தாண்டுவோம்

 ந பயம் ஸ்மராம: : பயம் ஒன்றும் அறியோம்

இந்த சுலோகத்தில் ஒவ்வொரு வாக்கியத்தின் முடிவிலும் "ராம:" என்ற சொல்லை நாம் பார்க்கலாம். இவ்வாறு இச்சுலோகத்தைச் சொல்லும் போது "ராம:" என்பதை நான்கு முறை சொன்னதாலேயே மோக்ஷபதம் அடைந்தார்கள் வேடர்கள் என்று சொல்லப்படுகிறது. பகவானின் நாமத்திற்கு இருக்கக்கூடிய மஹிமையை விளக்கவே இச்சுலோகத்தைப் பற்றி கூறினேன். நாம் நம் முன்னோர்கள் காட்டிய வழியில் நடந்து பகவத் கிருபைக்குப் பாத்திரராக வேண்டும்