Sri Sindhusudha ashtakam - Sanskrit

Courtesy : Sri.B.K. Tripathy

श्रीसिन्धुसुताष्टकम्

***************

(१)

जय हरिभामिनि पंकजशोभिनि

                       भावुकभाविनि भावरते

भवभयहारिणि भूतिविभूषिणि

                     पावनकारिणि भक्तनुते ।

गुणगणशालिनि जीवनिपालिनि

                       वैष्णवरूपिणि विष्णुरते

भगवति मामव वन्दनतोषिणि

                   सुन्दरहासिनि सिन्धुसुते ।।

(२)

नवरसरासिणि कान्तविलासिनि

                    शान्तिविनोदिनि शान्तमते

शुभदरधारिणि सिद्धिविभूषिणि

                     मन्दविनाशिनि शुद्धमते ।

सुरनरपालिनि लालनकारिणि

                        ‌वैभववर्द्धिनि पुण्यमते।

भगवति मामव वन्दनतोषिणि

                   सुन्दरहासिनि सिन्धुसुते ।।

(३)

वनसुतवासिनि नागजमण्डिनि

                        पुष्पसुशोभिनि पुष्परते

धनघटधारिणि हाटकरागिणि

                       खेटकरक्षिणि खेटयुते ।

गजगणवेशिनि गन्धनसाधनि

                       लोकविमोहिनि भूमिरते

भगवति मामव वन्दनतोषिणि

                   सुन्दरहासिनि सिन्धुसुते ।।

(४)

त्रिभुवनसेविनि कर्बुरवर्त्तिनि

                            कर्बुरवर्णिनि सर्वरते

सुविभववर्षिणि तर्षणधर्षिणि

                       भावविलासिनि पर्वरते ।

मणिगणरूपिणि धर्मसुसाधनि

                        मानसरञ्जनि भक्तरते

भगवति मामव वन्दनतोषिणि

                   सुन्दरहासिनि सिन्धुसुते ।।

(५)

सेविजनतारिणि बाधनशासनि

                     कल्मषमोषिणि शक्तियुते

भयचयनाशिनि नास्तिकवारिणि

                          दुर्जनदारिणि दीनरते।

धनततिकारिणि दर्पविनाशिनि

                         मर्मविभाविनि कर्मरते

भगवति मामव वन्दनतोषिणि

                     सुन्दरहासिनि सिन्धुसुते।।

(६)

नवनिधिदेहिनि वारिजगेहिनि

                         राजविराजिनि तूर्णगते

कृषिरसवर्षिणि भूषणहर्षिणि

                      मन्त्रसुतोषिणि यन्त्ररते ।

समपुरगामिनि सज्जनसङ्गिनि

                       दुःखविदारिणि शिष्टमते

भगवति मामव वन्दनतोषिणि

                   सुन्दरहासिनि सिन्धुसुते ।।

(७)

भृगुमुनिनन्दिनि गोविन्दकामिनि

                       मञ्जुलगामिनि विश्वमते

सुरपतिवन्दिनि नन्दितनन्दिनि

                     शंखनिनादिनि कुन्दयुते ।

बहुवरदायिनि कञ्जसुलोचनि

                          चन्दनमण्डनि देवनुते

भगवति मामव वन्दनतोषिणि

                    सुन्दरहासिनि सिन्धुसुते।।

(८)

गुरुदिनमोदिनि भक्तविनोदिनि

              ‌‌       दैन्यविखण्डिनि धान्ययुते

हुलुहुलुहर्षिणि षड्रसतोषिणि

‌                    सुतसुखदायिनि नन्दमते ।

व्रजसुखदायिनि मङ्गलकारिणि

                        पूजनकांक्षिणि सर्वनुते

भगवति मामव वन्दनतोषिणि

                     सुन्दरहासिनि सिन्धुसुते।।