Sanskrit jokes

😄 हास्यम् 😄

१. ' स्वस्य पार्श्वे यत् न विद्यते तत् अन्यस्मै कथं दातुं शक्यते ? नैव खलु । '

' किमर्थं न शक्यते ? पश्यतु, मत्पार्श्वे इदानीं किमपि नास्ति, परन्तु भवतः कपोले एकां सम्यक् चपेटिकां दातुं शक्नुयाम् ।'

'अरे, रे ! किं कुर्वन् अस्ति भवान् ?' 😄

२. मधुः- सज्जनानां सहवासः सर्वदा सुखकरः, दुर्जनानाञ्च दुःखकरः भवति इति श्रूयते ।

यदुः- एवं वा ! तर्हि इदानीम् एव भवतः सहवासम् अहं त्यक्तवान् ।  😄

३.  रमेशः - मम पुत्रस्य अन्नादिसर्वव्यवस्थां सर्वकारः निर्वहति । तस्य व्ययविषये न कापि चिन्ता मम ।

उमेशः- अहो ! सम्यग् वार्ता इयम् । तर्हि सः उच्चोद्योगे सर्वकारीयः अधिकारी वर्तते ननु ?

रमेशः- न, सः तु  आजीवनकारागारवासे निक्षिप्तोsस्ति । 😄

                         -- नारदः ।