दृष्ट्वापि हन्त निजमातृभुव: प्रवीरान्
रक्ष:सुतच्छलवशादधुना प्रयातान्।
सर्वे स्वदेशतनया: प्ररुदन्ति जाने
दन्दह्यते न वद कस्य जनस्य चेत:।। 1
ये स्वोदरार्थमिह शून्यसमस्तभावा
निन्दन्ति दुष्टहृदयाश्च निपीय तोयम्।
सच्छासकं सपदि तान् निजदेशनेत्रं
लोलुक्यते मृतमतीन् कुपितं समन्तात्।।2
ये ये सुखं मतमवाप्तुमिमे मुनीन्द्रा:
निर्यान्ति नैजसदनाज्जननायकास्ते।
नैवाद्य भारतमहो अवलोक्य तांस्तान्
रोरुद्यते मम मनो भुवि मौनिदेवान्।।3
गेहं ज्वलन्तमहहा रुचिरं विमूढ:
पश्यन् जलं क्षिपति नैव क एष नेता।
यातीव योऽपरपथेन तु याचमानो
जाज्वल्यते मम मनस्तमिमं तु दृष्ट्वा।।4
हा हन्त हन्त महिता जननायिकेयं
नित्यं विनिन्दति कृतं जननायकस्य।
नो वक्ति भारतमहीं कुपितायमानां
राराज्यते वदतु सा क्व गता विलुप्ता।।5
**अरविन्द:।
***************
वध्यात्समस्तान्हतकाँश्च शत्रून्,
आतङ्किनस्तानधियुद्धभूमि।
क्रियात्स्वदेशं ह्यघराशिशून्यं
भूयात्सुवीरेषु भवान्विशिष्टः।।
*महावीरसारस्वतः*
*************
सैनिकों का दिल से शुक्रिया
धन्यान्भारतवीरसैनिकसुतान्,बद्धाञ्जलिभ्यां हृदा
येषां शौर्यसमन्वितैः सुचरितैः, धन्यं सदा भारतं।
स्कन्धे गर्वमिमे वहन्ति सुतरां, वै भारतीयन्ननु,
तस्मान्नौमि सगर्वपूर्णमनसा,वीरांश्च सैनानिनः।।
✒बुद्धिप्रकाशजांगिड़ः
प्रशिक्षितस्नातकशिक्षकः(संस्कृतस्य)
केन्द्रीयविद्यालयकेलांगः, लाहौलस्फीतिः
हिमाचलप्रदेशः
**********************
वन्दे मातरम्। भारतमाता की जय!!
जागर्ति प्रहरी देशे गुडाकेश: परन्तप:।
नरेन्द्रोऽसौ महावीरो माननीयो विचक्षण:।।1
सिंहाक्रमणमालोक्य सारमेयकुलं द्रुतम्।
कम्पते भयभीतं तत् सिंह: सम्मोदते सखे।।2
भारतं वीक्षसे दुष्ट नैवात्मानं विलोकसे।
वायसो गरुणं मूढो निहन्तुं किं प्रवर्तते??3
नृत्यतीव मनो मुग्धं दृष्ट्वा सैन्यपराक्रमम्।
आतङ्किनां विनाशं यत् शत्रुगेहेऽकरोत् सखे।। 4
नमो भारतवीरेभ्य: शासकेभ्य: पुन: पुन:।
यैस्तै: शत्रुविनाशाय क्रियते युद्धमद्भुतम्।। 5
**अरविन्द:।
*********************
शत्रुपक्षैः शिलापातः
स्वागतं कुसुमैः तदा ।
भवेच्छवोपरि शत्रोः
कुसुमं तन्मतिर्मम।।
-मार्कण्डेयो रवीन्द्र:
शत्रु (पत्थरबाज )यदि पत्थर मारे तो उसका स्वागत फूलों से करो । परन्तु यह स्वागत उसके शव पर होना चाहिए ,ऐसा मेरा मानना है ।
************************
प्रतिशोधो गृहीतश्च
थलवायुभटैः खलु।
साम्प्रतं जलसेनायाः
बलं वीक्ष्यामहे पुनः।।
- मार्कण्डेयो रवीन्द्र:
पहले थल सेना और अब वायु सेना के जवानों ने बदला लिया ।
अब शीघ्र ही जल सेना का शौर्य देखना चाहते हैं।
*********************
नमोस्तु ते सैन्यदलप्रधान !
नमो विमानै:खचरप्रवीणाः!
नमोस्तु ते भारतराष्ट्रनेतः!
नमोस्तु ते भारत! गर्विदेश!
*डॉ.महावीरप्रसादसारस्वतः*
सम्माननीय सैन्यदलप्रमुख!आपको नमन। विमानों से आकाशविचरणप्रवीण हे वीरों आपको नमन। भारतराष्ट्र के नायक! जनता की अभिलाषाकेन्द्र मोदीजी! आपको नमन। हे गर्वोन्नतमस्तक प्रिय भारत! तुम्हें नमन।
******************
No comments:
Post a Comment