*श्रीरामचन्द्रस्तुति*
*विमलकमलनेत्रं विस्फुरन्नीलगात्रं तपनकुलपवित्रं दानवध्वान्तमित्रम् ।*
*भुवनशुभचरितं भूमिपुत्रीकलत्रं दशरथवरपुत्रं नौमि रामाख्यमित्रम् ॥*
*पदविभाग:*
विमलकमलनेत्रं विस्फुरन्नीलगात्रं तपनकुलपवित्रं दानवध्वान्तमित्रम्
भुवनशुभचरितं भूमिपुत्रीकलत्रं दशरथवरपुत्रं नौमि रामाख्यमित्रम्
*अन्वय:*
(अहं) विमलकमलनेत्रं विस्फुरन्नीलगात्रं तपनकुलपवित्रं दानवध्वान्तमित्रम्
भुवनशुभचरितं भूमिपुत्रीकलत्रं दशरथवरपुत्रं रामाख्यमित्रम् नौमि ।
~ *शरवण:*
श्रीरामचन्द्रस्तुति
माता रामो मत्पिता रामचन्द्रो भ्राता रामो मत्सखा राघवेश: ।
सर्वस्वं मे रामचन्द्रो दयालु: नान्यत् दैवं नैव जाने न जाने ॥३॥
पदविभाग:
माता राम: मत्पिता रामचन्द्र: भ्राता राम: मत्सखा राघवेश:
सर्वस्वं मे रामचन्द्र: दयालु: न अन्यत् दैवं न एव जाने न जाने
अन्वय:
(मम) माता राम: । मत्पिता रामचन्द्र: । (मम) भ्राता राम: । मत्सखा राघवेश: । मे सर्वस्वं दयालु: रामचन्द्र: । अन्यत् दैवं न जाने नैव जाने ।
~ शरवण:
No comments:
Post a Comment