व्यञ्जनसन्धिः ।
--------------------
वर्णानाम् अतिशयितः सन्निधिः सन्धिः।
द्वयोः वर्णयोः उच्चारणयोः मध्ये अर्धमात्राकालात् अपि अधिककालेन व्यवधानं यथा न भवेत् तथा उच्चारणमेव सन्धिः ।
व्यञ्जनस्य स्थाने आदेशः , लोपः , व्यञ्जननिमित्तकागमश्च व्यञ्जनसन्धिः ।
पूर्वस्थितम् अक्षरं निरस्य नूतनस्य अक्षरस्य उदयः एव आदेशः ।
वर्णस्य अदर्शनं लोपः ।
स्थितस्य वर्णस्य पार्श्वे अपूर्वतया अपरस्य वर्णस्य उत्पत्तिः आगमः ।
यथा -
जगत् + ईशः = जगदीशः ।
अत्र तकारस्य स्थाने आदेशः ।
उभाव् + अपि = उभा अपि ।
अत्र वकारस्य लोपः ।
पचन् + अस्ति = पचन्नस्ति ।
अत्र नकारस्य व्यञ्जननिमित्तिकः आगमः ।
No comments:
Post a Comment