Sri Sharada Bhujanga Prayatastutih (Sri Sharada Bhujangam) composed by Bhagavadpada Adi Shankaracharya:
॥शारदाभुजङ्गप्रयाताष्टकम्॥
सुवक्षोजकुम्भां सुधापूर्णकुम्भां
प्रसादावलम्बां प्रपुण्यावलम्बाम् ।
सदास्येन्दुबिम्बां सदानोष्ठबिम्बां
भजे शारदाम्बामजस्रं मदम्बाम्॥१॥
कटाक्षे दयार्द्रां करे ज्ञानमुद्रां
कलाभिर्विनिद्रां कलापैः सुभद्राम् ।
पुरस्त्रीं विनिद्रां पुरस्तुङ्गभद्रां
भजे शारदाम्बामजस्रं मदम्बाम् ॥२॥
ललामाङ्कफालां लसद्गानलोलां
स्वभक्तैकपालां यशःश्रीकपोलाम् ।
करे त्वक्षमालां कनत्प्रत्नलोलां
भजे शारदाम्बामजस्रं मदम्बाम् ॥३॥
सुसीमन्तवेणीं दृशा निर्जितैणीं
रमत्कीरवाणीं नमद्वज्रपाणीम् ।
सुधामन्थरास्यां मुदा चिन्त्यवेणीं
भजे शारदाम्बामजस्रं मदम्बाम् ॥४॥
सुशान्तां सुदेहां दृगन्ते कचान्तां
लसत्सल्लताङ्गीमनन्तामचिन्त्याम् ।
स्मृतां तापसैः सर्गपूर्वस्थितां तां
भजे शारदाम्बामजस्रं मदम्बाम् ॥५॥
कुरङ्गे तुरङ्गे मृगेन्द्रे खगेन्द्रे
मराले मदेभे महोक्षेऽधिरूढाम् ।
महत्यां नवम्यां सदा सामरूपां
भजे शारदाम्बामजस्रं मदम्बाम् ॥६॥
ज्वलत्कान्तिवह्निं जगन्मोहनाङ्गीं
भजे मानसाम्भोजसुभ्रान्तभृङ्गीम् ।
निजस्तोत्रसंगीतनृत्यप्रभाङ्गीम्
भजे शारदाम्बामजस्रं मदम्बाम् ॥७॥
भवाम्भोजनेत्राजसम्पूज्यमानां
लसन्मन्दहासप्रभावक्त्रचिह्नाम् ।
चलच्चञ्चलाचारुताटङ्ककर्णां
भजे शारदाम्बामजस्रं मदम्बाम् ॥८॥
॥इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ शारदाभुजङ्गप्रयाताष्टकम्॥
Transliteration:
Sharada Bhujanga Prayatashtakam
Suvakssoja-Kumbhaam Sudhaa-Puurnna-Kumbhaam
Prasaada-Avalambaam Prapunnya-Avalambaam |
Sadaa-[Aa]sye[a-I]ndu-Bimbaam Sadaan-Ossttha-Bimbaam
Bhaje Shaaradaa-[Aa]mbaam-Ajasram Mad-Ambaam ||1||
Kattaaksse Daya-[A]ardraam Kare Jnyaana-Mudraam
Kalaabhir-Vinidraam Kalaapaih Subhadraam |
Pura-Striim Vinidraam Puras-Tungga-Bhadraam
Bhaje Shaaradaa-[Aa]mbaam-Ajasram Mad-Ambaam ||2||
Lalaama-Angka-Phaalaam Lasad-Gaana-Lolaam
Sva-Bhaktai[a-E]ka-Paalaam Yashah-Shrii-Kapolaam |
Kare Tva[u-A]kssa-Maalaam Kanat-Pratna-Lolaam
Bhaje Shaaradaa-[Aa]mbaam-Ajasram Mad-Ambaam ||3||
Su-Siimanta-Venniim Drshaa Nirjitai[a-E]nniim
Ramat-Kiira-Vaanniim Namad-Vajra-Paanniim |
Sudhaa-Mantha-Raasyaam Mudaa Cintya-Venniim
Bhaje Shaaradaa-[Aa]mbaam-Ajasram Mad-Ambaam ||4||
Sushaantaam Sudehaam Drg-Ante Kaca-Antaam
Lasat Sal-Lataa-[A]nggiim-Anantaam-Acintyaam |
Smataam Taapasaih Sarga-Puurva-Sthitaam Taam
Bhaje Shaaradaa-[Aa]mbaam-Ajasram Mad-Ambaam ||5||
Kurangge Turangge Mrgendre Khagendre
Maraale Made[a-I]bhe Mahoksse-[A]dhiruuddhaam |
Mahatyaam Navamyaam Sadaa Saama-Ruupaam
Bhaje Shaaradaa-[Aa]mbaam-Ajasram Mad-Ambaam ||6||
Jvalat-Kaanti-Vahnim Jagan-Mohana-Anggiim
Bhajan-Maanasa-Ambhoja-Subhraanta-Bhrnggiim |
Nija-Stotra-Sanggiita-Nrtya-Prabhaanggii
Bhaje Shaaradaa-[Aa]mbaam-Ajasram Mad-Ambaam ||7||
Bhava-Ambhoja-Netra-Aja-Sampuujyamaanaam
Lasan-Manda-Haasa-Prabhaa-Vaktra-Cihnaam |
Calac-Can.calaa-Caaru-Taattangka-Karnnaam
Bhaje Shaaradaa-[Aa]mbaam-Ajasram Mad-Ambaam ||8||
Video: https://youtu.be/QHrhzRCN45M
Sources:
No comments:
Post a Comment