Sanskrit lesson

🌷संस्कृतं पठामः🌷

मनुष्यवर्गः ॥५॥ 

पाठः १६ –

१. नार्यो ललाटे तिलकं धारयन्ति। २. अञ्जलिना जलं पिबति। ३. माता बालं कपोलं चुम्बति। ४. मम दृष्टिः सुदूरतः प्रसरति। ५. हनूमतो हनुः वज्रप्रहारेण किञ्चिदभज्यत। ६. योषायाः केशाः आगुल्फात् लम्बन्ते। ७. शुनो रोम मृदु। ८. शिखां बधान। ९. कृष्णस्य ललाटे अलका लम्बन्ते। १०. रामः काकपक्षाभ्यां शोभते। ११. पुरुषस्य मुखे श्मश्रु वर्तते। १२. घर्मात् देहे स्वेदो जायते। १३. कक्षेण पुस्तकं वहति बालकः। १४. भयात् हृदयं वेपते १५. लगुडप्रहारेण तस्य वक्षसि क्षतं जातम्। १६. मम उदरे रुजा वर्तते। १७. सः जठरं अन्नेन पूरयति। १८. नारायणस्य नाभौ पद्ममुदभूत्। १९. सा स्कन्धेन जलपूर्णं घटं आनयति। २०. भयेन ऊरू कम्पेते। २१. तस्या नखाः रक्तवर्णा सन्ति। २२. चपेटेन भृत्यं प्रहरति। २३. स माणवकः मणिबन्धे घटिकायन्त्रं धारयति २४. तस्य मस्तिष्कं नास्ति, अत एव बुद्धिहीनः। २५. यस्य जङ्घायां बलमस्ति स वेगेन गन्तुं शक्नोति ॥

🌹----संस्कृतद्वितीयपाठः (Sanskrit Second Reader)

पं. टि.आर्. कृष्णाचार्यः, कुम्भकोणम्, 1923