Result of falsehood - Sanskrit story

🙏🍀🍀 *||हरि 🕉 तत्सत्||* 🍀🍀🙏

        *स्वामी ब्रम्हानंद संस्कृत प्रबोधिनी*

                  *तपोभूमी-गोवा*

               🌷 *शुभरात्रि* 🌷

                  🍥 *कथाः* 🍥

      

📯📯 *असत्यस्य परिणामः* 📯📯

*एकस्याः नद्याः तटे रजकाः वस्त्राणि क्षालयन्ति स्म। तेषां क्षालन-स्थानं दूरे दूरे आसीत्। तेषां रजकानामेकः शंकुः नाम रजकः आसीत्। सः यदा कदा उपहासे विचित्रां वार्तां कथयति स्म। यः तां वार्तां आकर्णयति स्म, सः हसति, तस्य बुद्ध्याः च प्रशंसाम् करोति स्म।*

*एकदा शंकुः उच्चैः अन्यान् रजकान् अकथयत्--"भोः भोः रजकाः! मकरः🐊 माम्  जङ्घया जल-मध्ये आकर्षति। सत्वरमागच्छत, मां च रक्षत।"*

*इतः, ततः, सर्वतः च रजकाः तस्य रक्षायै तं प्रति अधावन्। यदा ते समीपे आगच्छन्, तदा सः उच्चैः अहसत् अवदत् च--"अहं युष्मान् मूर्खान् अकरवम्। नास्ति अत्र मकरः🐊 अन्यः वा जन्तुः यः माम् जलमध्ये आकर्षेत्।"*

*शंकौः वार्तया ते सर्वे लज्जिताः अभवन्, परस्परं चावदन्--"शंकुः धूर्तः अस्ति। वयमेतस्मिन् अग्रतः विश्वासं  करिष्यामः।" ते पुनः स्व-स्व-स्थाने वस्त्रप्रक्षालनाय अगच्छन्।*

*केषुचित् दिनेषु गतेषु एक मकरः🐊 सत्यमेव शंकोः जंघां मुखेन अधारयत्, तं च जलमध्ये आकर्षत्। शंकुः सहायतायै रजकान् उच्चैः आकारयत् परं तेषामेकः अपि तस्य रक्षायै नागच्छत्। ते अचिन्तयन्-- "अवश्यमेव शंकुः असत्यमेव वदति, यथा सः पूर्वमवदत्।"*

*मकरः🐊 शंकुं गभीरे सलिले अनयत्, जलमध्ये मज्जनेन च तस्य मृत्युः अभवत्। तदा सः अन्ये च मकराः🐊 तस्य शरीरम् अभक्षयन्। यदाSन्ये रजकाः तं तत्र नापश्यन्, तदैकः रजकः दुखेन अवदत्--"हा! हन्त! असत्यभाषणेन शंकोः विश्वासः अनश्यत्, सः च मृत्युमध्यगच्छत्। क्रूराः मकराः🐊 तमभक्षयन्। हा! असत्यस्य कीदृशः दुःखदः परिणामः।"*

🙏🏻🍀🍀 *||जय सच्चिदानंदः||* 🍀🍀🙏🏻