Greatness of silence - Sanskrit story

🌷कथा-15🌷

कस्यचिद् राज्ञो मन्त्री अतितरां बुद्धिमान् आसीत्, किन्तु मन्त्रिणः पिता महामूर्खः आसीत्। अथैकदा कश्चित् पिशुनै राज्ञः कर्णे कथितं यत् 'प्रभो मन्त्रिणः पिता जीवति, यस्य च पुत्र ईदृशः बुद्धिमान् तद्विषये किंकथयामःराजा। तु तच्छ्रुत्वा मन्त्रिणम् आह्वयोक्तवान् 'कथं मम' सभायां स्वपितरं आनयसि?' स उवाच ''महाराज नितान्तं वृद्ध इति नानीतः।" राजोवाच ''तथापि वारमेकमानय"। मन्त्री तु तथेति कथयित्वा गृहे आगत्य पितरमुवाच ''भवता श्वो

राजमभायां गन्तव्यं किन्तु कोपि किमपि पृच्छेत्भवता तु तृष्णीं स्थेयम्"। एवं शिक्षयित्वा तं परेद्युस्तत्र नीतवान्। राजा तु तमवलोक्य बहुभिरादरवचनैः स्वागतं कृत्वा पृष्टवान् ''अपि कुशली भवान् अपिकुशलो भवान्''इति। किन्तु स किमपि नोक्तवान्। ततः खिन्नो राजा मन्त्रिणमुवाच "मन्त्रिन् मूर्खेण सह कथं व्यवहरणीयम्?। मन्त्री उवाच "महाराज!  तूष्णीं स्थेयम्"।🌺

 🥀विद्वत्सभासु मूर्खॆण, विदुषा मूर्खमण्डले।

     तूष्णीमेव सदा स्थेयं नोचेद्भवति दुर्गतिः।।

☘पुस्तकं- कथाकुसुमम्

लेखकः- श्रीमदम्बिकादत्तव्यासः🍀

--गणान्तरात्