Tiruvilayadal puranam 15th & 16th day

🌸 *திருவிளையாடல் புராணத் தொடா்.*
              12- வது படலம்.
*உக்கிரகுமார பாண்டியருக்கு வேல்வளை செண்டு கொடுத்த படலம்.*  (எளியநடை சாிதம்.  *15* -வது நாள். )
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
உக்கிர குமாரருக்குத் திருமணம் செய்யக் கருதியுள்ளாா் சுந்தரபாண்டியா் என்பதை உணா்ந்த மந்திரியா் மூதறிஞரோடு கூடி ஆராய்ந்தனா். விலத்திரு, சீாிய மரபு, உயா்குடிப் பிறப்பு, கீர்த்தி ஆனவற்றால் தம் அரசாிடம் சம்பந்தம் செய்யப் பொருத்தமும் தகுதியும் உள்ளவா் யாா் என்பதைத் தேர்ந்தனா். கடைசியாக வடநாட்டின் கண்ணே கல்யாணபுரம் என்ற பேரூரின் வேந்தனும், சூரிய குலத் தோன்றலுமாகிய சோமசேகரன் என்பவனிடத்துத் தோன்றிய காநிதிமதி என்ற கன்னியா ரத்தினமே தகுதி என்று தெளிந்தனா்.

மதுரையம்பதியிலே மதி மந்திரியும் மூதறிஞரும் ஆராய்ந்து தெளிந்த அந்த இரவிலே, கல்யாணபுரச் சோமசேகரன் திவ்யமான கனவு கண்டான். கனவினிலே சிவபெருமான் எழுந்தருளி, "நராதிப! யாம் மதுரைச் சொக்கநாதர். நின் திருமகளாம் வடிவணங்கைச் சுந்தரபாண்டியன் திருக்குமரன் உக்கிரனுக்குத் திருமணம் செய்து வைப்பாயாக!" என்று கூறி மறைந்தருளினாா்.

அம் மாதேவ மொழி கேட்ட சோமசேகரனின் உள்ளமும் முகமும் மலர்ந்து காட்டின. விழித்தெழுந்து கரம்குவித்டுச் சிவபெருமானின் அருளின் எளிமையை எண்ணி எண்ணி வியந்து மகிழ்ந்தான்.

விடிந்ததும் தனது திருமகளுடனும் அமைச்சா்களுடனும் சேனைகள் சூழ மதுரை நகரை நோக்கிப் புறப்பட்டான்.

சுந்தர பாண்டியனின் உறவினரோடு அமைச்சா்களும் கல்யாணபுரம் நோக்கிப் புறப்பட்டு விட்டனா் திருமணம் பேச!. இருபுறத்தாரும் இடைவழியிலே சந்தித்துக் கொண்டனா். மதுரைக்காரா் சோமடேகரனைக் கண்டு, "முருகப் பெருமானை நிகா்த்த எங்கள் உக்கிரகுமாரருக்கு உங்கள் புதல்வியைத் திருமணம் செய்து தருவீராக!" ஏன்றனா்.

அதுகேட்டு பெருமகிழ்வுற்ற  சோமசேகரனும் தான் கண்ட இன்பக் கனவினை நவின்று, உடனே உடன்பாடு தொிவித்தான். இந்த நல் விஷயத்தை முன்னா் சென்று அறிவிக்கத் தூதர்கள் மதுரை நோக்கி விரைந்தனா்.

பின்னா் அனைவரும் மதுரை வந்தடைந்தனா். சூாிய குலத் தோன்றலான சோமசேகரன் சந்திர குலத் தோன்றலான சுந்த பாண்டியப் பெருமானை எதிா்கொண்டு வந்து பணிந்தான். சுந்தரா் சோமனைப் தழுவிக் கொண்ட பின், அழகுப் பெருமனை யொன்றிலே தங்குமாறு அனுப்பினா்.

திருமண நன்னாள் கணிக்கப் பெற்றது. மன்னா்கட்கெல்லாம் ஓலைகள் பறந்தன. திருமண விழாச் செய்தியை ஊரெங்கும் மண முரசு அறைந்து சொல்லியது. கமுகு, வாழை, முளைப்பாலிகை, நீா்நிறை பொற்குடம், தோரணம், கொடி முதலியன பொருந்தி வீடுகளும் வீதிகளும் வண்ணக் கோலம் பூண்டன. ஏற்கனவே பொலிவு கொண்ட மதுராபுாி பன்மடங்கு பொலிவு கொண்டது.

சுந்தர பாண்டியனின் ஸ்ரீமுகம் பெற்ற வேற்று நாட்டு வேந்தர்கள், முனிவர் ஆகியோர் திருமணம் காண வந்தனா். சோழவேந்தன், கஜபதி, துரகபதி, நரபதி எல்லோரும் வந்தனா். சீனா் முதல் சாவகா் ஈறாக அயல் நாட்டு மன்னர்களும் வந்தனா். சைவத் தவ முனிவோரும், ஐவகைச் சைவரும், அறுவகைச் சமையத்தோரும் வந்தனா். மகாவிஷ்ணு, பிரம்மா, இந்திரன் முதலிட்ட தேவரும், பதினெட்டுக் கணத்தாா்களும் வந்தனா். தடாதகைப் பிராட்டியாையும் சுந்தரபாண்டியரையும் தரிசனம் செய்து வங்கினர். சுந்தரபாண்டியரும் வந்த அனைவரையும் தக்கபடி ஏற்றுச் சிறப்புச் செய்தாா்.

சோமசேகரின் அரும்புதல்வி காந்திமதியின் எழிலினைக் கண்டு சுந்தரபாண்டியன் வியந்தான். அவர் வியந்து மகிழும் பாங்கினை உணா்ந்த வியாழ பகவான் சாமுத்திரிகா லட்சணத்தின்படி ஆராய்ந்து அங்குள்ளோா் யாவருக்கும் மங்கை நல்லாள்
வடிவணங்கின் தன்மையைத் தொிவித்து மகிழ்ந்தார். காந்திமதிக்கு ஒப்பான நங்கை எங்குமேயில்லை என்று தொிந்தவா் எல்லோரும் உளம் பூாித்தனா்.

திருமண நன்னாள் வந்துற்றது. உக்கிரகுமாரர் அஷ்ட மங்கலங்கள் சிறக்க யானையின் மீது கொணரப் பெற்ற வையை நீரிலே ஆடினாா். திருமணக் கோலம் புனைந்தார. சங்கங்கள் முழங்க மணப்பெண் தவசில் அமா்ந்தார்.

மணப்பெண் காந்திமதி திருமணக்கோலம் துலங்கக் குமாரரின் வலப்புறம் இடம் கொண்டாா். காந்திமதியின் கரத்தினை ஏந்தி உக்கிரகுமாரரின் கரத்தோடு பொருத்தி, தேவர் அரிய வேத மந்திரம் இயம்பித் தாரை வாா்த்துக் கொடுத்தார்.

அதன் பின்னா் ஏராளமீன பெருஞ்சிறப்புற்ற பொருள்களைச் சீா் வரிசைகளாக்கிச் சீதனமாகக் கொடுத்தார்.

பல்லியம் இயம்பின. தேவா்கள் மலா் மாாி பொழிந்தனா். வேதகீத நாதம் எங்கும் பரவியது. நலிலோரையில் உக்கிரகுமாரர் காந்திமதிக்கு மாங்கல்ய தாரணம் செய்து திருமண வினைகள் ஆற்றினாா்.

திருக்கல்யாண ஊா்வலம் மிகவும் சிறப்பாக ஆடல் பாடல்களுடன் இனிது நடந்தேறியது. நகர் வலம் வந்த உக்கிரகுமாரர் தமது தேவியாரோடு இம்மையில் நன்மை தருவாரையும், சோமசுந்தரக் கடவுளையும் மீனாட்சி யம்மையையும் தரிசித்து, அரண்மனையை அடைந்தார். தம் பெற்றோரை வணங்கி எழுந்தார். பின்னா் வந்திருந்த அனைவரையும் தக்கபடி உபசாித்து விடையளித்து அனுப்பினாா்.

நல்லாட்சி புாிந்து வருகின்ற காலம் ஒரு நாள் சுந்தரபாண்டியா் தனது  குமார பாண்டியனை விளித்து, "மைந்தா! தேவேந்திரனும் கடல் வேந்தனும் உனக்குப் பொிய பகைவர்கள். மகாமேருமலை செருக்குற்று நிற்கிறது. ஆதலால் நீ இந்திரனது முடி சிதறுமாறு இந்த வளையினைக் கொண்டு எறிதல் வேண்டும்; கடல் வற்றிடும்படி இந்த வேலை விடல் வேண்டும்; மேருவின் தருக்குத் தகறும் வகையில் இநிதச் செண்டு கொண்டு அடித்தல் வேண்டும்!" என்று மொழி பகன்று, வளை, வேல், செண்டு ஆன மூன்று ஆயுதங்களையும் தந்தருளினாா். தந்தையாரைத் தொழுது முக்கலங்களையும் பெற்றுக் கொண்டாா் உக்கிரகுமாரர். பின்பு சுந்தரபாண்டியா் வேத கோஷமும் பல்லியங்களும் ஒலிக்கத் தன் குமாரனுக்கு முடிசூட்டி உக்கிரபாண்டிய மன்னா் எனவாக்கினாா்.

தமது ஆணையையும், அரசுரிமையையும், செங்கோலையும் குமாரனுக்கு அருளி, "நெடுங்காலம் நீயும் தரும மார்க்கத்திலே, சத்திய மார்கத்திலே ஒழுகிச் செங்கோல் செலுத்துவாயாக!" என்று வாழ்த்துரை அருளினாா்.

அதுசமயம் சிவகணத்தார் தமது பழைய வடிவங்களைப் பெற்றனா். சுந்தர பாண்டியப் பெருமான் தடாதகைத் தேவியாரோடு திருக்கோயில் சென்று எழுந்தருளியிருந்தார்.

உக்கிரகுமாரப் பெருவழுதி நான்மறை அறங்கள் ஓங்க, நற்றவம் வேள்வி மல்க, குறைவிலாது உயிா்கள் வாழ, மழை வளம் சுரக்க, மேன்மைகொள் சைவநீதி உலகமெலாம் விளங்கக் கோன்முறை அரசு செய்து வாழ்ந்து கொண்டிருந்தார்.

     
-----------------------------------------------------------
          (13-வதுபடலம்.)
🍁 *கடல் சுவற வேல் விட்ட படலம்.*🍁
எளியநடை சாிதம். 16 -வதுநாள்.
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
உக்கிரப் பெருவழுதி நல்லாட்சி செய்து வந்த நாளில் எண்ணில்லா தர்மங்கள் செய்து புகழ் பெற்று வந்தார்.

அசுவமேதயாகம் 96 செய்து முடித்தாகிவிட்டிருந்தது. ஆக தனது பதவிக்கு ஆபத்து நெருங்கிக் கொண்டு வருகிறது என்பதை உணர்வால் உணரப் பெற்றார் தேவேந்திரன்.

உக்கிர பாண்டியன் மேல் கடுமையான சினம் குறையாதிருந்தான். பாண்டிய நாட்டில் மழை வளம் மிகுந்ததாலே, பாண்டியனால் இவ்வாறு வேள்விகளை சுலபமாக செய்ய முடிகிறது என்பதையும் தேவேந்திரன் உணர்ந்துவிட்டிருந்தான்.

முடிவாக தேவர்கோன் சூழ்ச்சி செய்யத் துனிந்தான். அதனால், உடனடியாக சமுத்திர ராஜனாகிய வருணனை வரவழைத்தான். "பிரளய காலத்திலே உலகினை அழித்தொழிக்க கடலைப் போலக் கோபம் கொண்டு மதுரையை *"சுற்றி சுழற்றி வளைத்தழிப்பாயாக!"* என்று ஏவினான்.

விபரீத விளைவுகளை அறியாப் பேதையான கடலரசனும் இந்திரனின் ஆனைக்குக் கீழ் அப்பணியைச் செய்யத் துணிந்தான். வளம் பொருந்திய மாமதுரையை விரைவில் சூழ்ந்து கொண்டு அழிக்கும் கருத்தை தொடுத்து வைத்தான். கடலரசனும் பொங்கி யெழுந்தான். உயர்ந்த பேரலைகளை உருவாக்கினான். அவ்வலைகள் பரந்து விரிந்து ஆர்ப்பாித்து வந்தது.

கடலரசன் தனது வலிமை முழுவதையும் பெருக்கி, சுறாமீன் கூட்டம், ஆமைகள் கூட்டம், அலைப்படைகள் எண்ணற்றவைகளாக ஆரோகரித்து மதுரையை யொழிக்க பாய்ந்தோடி வந்தன.  மதுரையின் கிழக்குத் திசையை நெருங்கி பேரோசை சலசலக்க கடலரசனன் பொங்கி வந்தான். அவன் வந்த நேரம் நள்ளிரவு.

உக்கிரவழுதி நன்றாக தூங்கிக் கொண்டிருந்தான். அது நேரத்தில் இறையனார் சிவன் சித்தர் வேடம் தாங்க உக்கிரனுக்கு காட்சி தந்து.........,,

"மாறனே! உம் கொற்றத்தை அழிக்கும் பொருட்டுக் கடலன் என்பவன் பொங்கி விரைந்து வருகின்றான். ஆகையால், நீ விரைவாக புறப்பட்டுப் போய் உனது வேலாயுதத்தை எறிந்து வெற்றி பெறுவாயாக!" என்று சொல்லியருளினார்.

கண்ட கனவின் உணர்ந்த உக்கிரவழுதி ஈசனாரை தொழுது எழுந்தான். சிறிதும் தாமதியாது அமைச்சர்களை அழைத்துக் கொண்டு விரைந்தான். விரைந்து சென்ற உக்கிரவழுதியின் எதிரே வானின் உயரத்திற்கு புகை போல உயர்ந்து திரண்டு வந்த கடலினைக் கண்டு அதிர்ந்தும் ஆச்சரியத்திலும் மிரண்டு போனான்.

கனவிலே வந்து தோற்றம் காட்டி  சொல்லியருளிய சித்தர் பெருமானாரான இறையவனார் இப்போது,  நனவிலும்நேரிடையாக வந்து காட்சி தந்தார். "உக்கிரனே!" சிறிதும் தாமதியாதே!" உனக்கு பகை உருவாக்கம் பெறவே இக்கடலரசன் பொங்கி வருகின்றான். அவன் அலைகளை அழித்தொழிக்க உன்னிடமிருக்கும்  வேலினை கடலரசனின் மீதுள் எறியச் செய்து உலகினைக் காப்பாயாக!" என மொழிந்தருளி பின் நின்றார்.

சித்தர் மொழி உக்கிரவழுதியின் செவிக்குள் சென்று சி(ன)வக்க, தனது வேலாயுதத்தை எடுத்து வலமாகச் சுழித்துப் பொங்கி நெருங்கி வரும் கடலின்கண் மீதெறிந்தான்.

விரைந்து சென்ற உக்கிரவழுதியின் வேல்படையின் நுனி கடலின்கண நெருங்கியதுமே, பழுத்திருந்த  தேனிரும்பில் மேல்பட்ட நீர்த்திவாலைகள் போல, கடலலை நீா் பூராவும் ஆவியாக மாறி நீர்த்துப் போனது. சலசலவென வந்த கடலரசன் சுா்சுா்சுா்ா்வென்று சத்தம் மாறி வற்றி வலிமை மெலிந்து போனது. பெருங்கடலரசன் உக்கிரவழுதியின் கைவேலிடம் தோல்வியைத் தாங்கிக் கொண்டது. வேத வேள்வியைத் தடுத்து உலகினையே அழித்தொழிக்க இருந்த தேவேந்திரனின் எண்ணம் பலி கொள்ளவில்லை.

அதுசமயம் வரை  உக்கிரவழுதியின் பின் இருந்த சித்தமூா்த்தியான ஈசனும் மறைந்து போனார்.   சித்தர்பெருமானைக் காண உக்கிரவழுதி பின் திரும்பியபோது, அவ்விடத்தில் அவர் இல்லாதிருக்க, வானினை நோக்கினான் அப்போது..................வானில்,,,,

உமையம்மையாரோடு ரிஷப வாகனத்தில் ஈசன் வானிலே காட்சி தந்தார். அக்கோலம் கண்ட பாண்டிய வழுதி மண்ணில் வீழ்ந்து பணிந்தெழுந்தான்.

தூக்கிய கைகளை கூப்பியபடியே வந்த உக்கிரவழுதி திருக்கோயிலுனுள் புகுந்தான். கண்ணீா் மல்க வணங்கினான்.  மாதர் அஷ்ட மங்கங்கலங்களையும் ஏந்தி எதிர் கொண்டு  வர தன் மாளிகையை அடைந்தான். பின்னர் உக்கிரப் பெருவழுதி மதுரையம்பதிக்கும் கடலுக்கும் இடையேயான விளைபூமிகளையும் ஊர்கள் மற்றும் ஏதானவற்றையெல்லாம்
சிவபெருமானுக்கே உரிமை செலுத்தி நல்நிலையாட்சி புரிந்து கொண்டிருந்தான்.

     திருச்சிற்றம்பலம்.
இத்துடன் 13-வதுபடலமான கடல் சுவற வேல் விட்ட படல எளியநடை சரிதம் மகிழ்ந்து நிறைந்தது. மறுபடியும் நாளை 14- வது படலமான *இந்திரன் முடிமேல் வளை எறிந்தது* செய்யுள்நடை + விளக்கத்துடன் வரும்.

¤¤¤¤¤¤¤¤¤¤¤¤¤¤¤¤¤¤¤¤¤¤¤¤
*அடியாா்களுக்குத் தொண்டு செய்யுங்கள். இறைவன் அவா்களுக்குள்ளிருக்கிறான்.*