Courtesy: www.sringeri.net
जय देव जय देव जय सद्गुरुनाथ श्री सद्गुरुनाथ
श्री भारतीतीर्थ गुरुसार्वभौम जय देव जय देव ॥धु०॥
वर्जितविषयकलाप दुर्जनसुदुराप
दूरीकृतनतपाप सच्चित्सुखरूप ॥
पूजितपन्नगभूषण प्रज्ञाजितधिषण
मुखनिर्धुततरुणारुण भक्तेषु सकरुण ॥
वीक्षालवहृतलोकालघुदुःसहशोक
शङ्करगुरुवरपूजक कृतनतजनभवुक ॥
परशिवपरावतार गतसर्वविकार
मुनिजनहृदयविहार कृतभुवनोद्धार ॥
No comments:
Post a Comment