shiva stuti of ashvatthAma

Courtesy: Sri.bryan Hill

 shiva stuti of ashvatthAma from mahAbhArata, sauptikaparva 7th adhyAya with PDF
 

As with all stotras, stutis, etc., addressed, antaryAmI - mAhima is to be understood: 

 

द्रौणिरुवाच ।

उग्रं स्थाणुं शिवं रुद्रं शर्वमीशानमीश्वरं । गिरिशं वरदं देवं भवभावनमव्ययम् ॥२॥

शितिकण्ठमजं रुद्रं दक्षक्रतुहरं हरम् । विश्वरूपं विरूपाक्षं बहुरूपमुमापतिम् ॥३॥

श्मशानवासिनं दृप्तं महागणपतिं विभुम् । खट्वाङ्गधारिणं मुण्डं जटिलं ब्रह्मचारिणम् ॥४॥

मनसा ह्यनुचिन्त्यैनं दुष्करेणाल्पचेतसा । अद्य भूतोपहारेण यक्ष्ये त्रिपुरघातिनम् ॥५॥

स्तुतं स्तुत्यं स्तूयमानममोघं कृत्तिवाससम् । विलोहितं नीलकण्ठमसह्यं दुर्निवारणम् ॥६॥

शुक्रं विश्वसृजं ब्रह्म ब्रह्मचारिणमेव च । व्रतवन्तं तपोनिष्ठमनन्तं तपतां गतिम् ॥७॥

बहुरूपं गणाध्यक्षं त्र्यक्षं पारिषदप्रियम् । धनाध्यक्षप्रियसखं गौरीहृदयवल्लभम् ॥८॥

कुमारपितरं पिङ्गं गोवृषोत्तमवाहनम् । कृत्तिवाससमत्युग्रमुमातोषणतत्परम् ॥९॥

परं परेभ्यः परमं परं यस्मान्न विद्यते । इष्वस्त्रोत्तमभर्तारं दिगन्तं देशरक्षिणम् ॥१०॥

हिरण्यकवचं देवं चन्द्रमौलिविभूषणम् । प्रपद्ये शरणं देवं परमेण समाधिना ॥११॥

 इमां चेदापदं घोरां तराम्यद्य सुदुस्तराम् । सर्वभूतोपहारेण यक्ष्येऽहं शुचिना शुचिम् ॥१२॥