*सद्यः भारतीयक्रिकेटदलेन अष्ट्रेलियादलं पराजितम्।*
*अस्मिन् विषये विभिन्नभारतीयराजनैतिकदलानां मतं किं भवितुम् अर्हेत् इति विषये किञ्चित् विश्लेषणम् उपस्थाप्यते मया।*
*भाजपादलम्-* भारतस्य क्रीडकाः सर्वे मिलित्वा भारतस्य गौरवं अवर्धयन्। विजयोऽयं *सबका साथ सबका विश्वास* इत्यस्य वर्तते।
*कांग्रेसदलम्-* एवं कदापि नास्ति यद् भारतदेशः प्रथमवारम् अष्ट्रेलियादलस्य विरुद्धे विजयं प्राप्नोत्।
अस्माकं शासनकाले अपि भारतदेशः विजयं प्राप्नोत्। अयमेव भेदः यत् भारतीयदलस्य अधिनायकस्य परिवर्तनम् अभूत्।
अस्मिन् विषये मोदिसर्वकारः उत्साहप्रदर्शनं न कुर्यात्।
एवं कृत्वा मोदिसर्वकारः कृषकान्दोलनात् जनानां दृष्टिं न भ्रामयेत्।
*केजरीवालः-* क्रीकेटशृङ्खलायाः प्रारम्भात् पूर्वम् अहं भारतीयदलं पराजयेत् इति अवदं तदर्थम् अहं लिखितरूपेण क्षमायाचनं करोमि।
*मायावती-* भारतीयदले कति जनाः निम्नवर्णीयाः आसन्? क्रीडायाः प्रारम्भः ब्राह्मणैः किमर्थं कृतः?
शृङ्खलायाः महत् पारितोषिकम् अपि ब्राह्मणाय किमर्थं प्रदत्तम्?
विजयोऽयं मनुवादिनः वर्तते। अर्थात् निम्नवर्णविरोधी वर्तते अयं विजयः।
*ममता बॅनर्जी-* दलेऽस्मिन् कति जनाः अल्पसङ्ख्यकाः आसन्?
एकमपि पारितोषिकम् अल्पसङ्ख्यकेभ्यः किमर्थं न प्रदत्तम्?
दलस्य नायकः हिन्दुः, उपनायकोऽपि हिन्दुः।
दलमिदं साप्रदायिकं वर्तते।
*ओवैसी-* भारतीयदलम् अष्ट्रेलियादलं पराजयेत् इति संविधाने कुत्रापि लिखितं नास्ति।
*वामपन्थी-* न भारतेन चीनदेशः पराजितः, न तु चीनदेशेन भारतदेशः पराजितः। अतः अस्मिन् विजये अस्माकं नास्ति उत्साहः।
*रवीशकुमारः-* किं भारतदेशः सहस्रसमस्यानां मध्ये पतितः सन्नपि एवं तेन उत्साहप्रदर्शनम् उचितम्?
मोदिसर्वकारः उत्तरं दद्यात्।😀
*-प्रदीपः!*
No comments:
Post a Comment